《陌事錄》——八十後女畫家與兩位怪叔叔,創造一場出版革命。

 

訪問輔仁媒體第一本出版的書,你問我有沒有壓力,說實話,是有的,然而在席話間才發現容總與畫舊時插畫家Can Cheng都有一種共同氣質:神經質。

容總係一名怪叔叔就好多人知,但唔好睇Can書卷味充滿畫家氣質咁,一問之下先發現,原來佢顛㗎!問到點解會促成呢一次嘅合作,Can說道:「我都唔知點解㗎!」話畢,我心入面就有種莫名的擔心,因為我再問落去,佢竟然話,其實我都唔知點解會識到容總就一齊出書了……

緣份嘅嘢真係好奇妙,Can 話,自己從來冇諗過自己有機會出書,而合著嘅對象,仲要係一位「文間高手」:塔巴。

「當年我成日追塔巴啲文㗎!佢以前喺討論區搵人畫圖嗰時我都有份留言㗎,不過個留言都post咗喺三十幾頁……」Can 笑笑口講起當年錯失一次同塔巴嘅合作,殊不知後來自己由2016年開始咗《畫舊時》之後,塔巴竟然主動邀畫,亦都因為咁,而正式開始咗《陌事錄》嘅合作。

 

 

《陌事錄》,顧名思義就係陌生的事情,而書中一點一滴嘅生活小事,既是熟悉,又喺呢個年代有種陌生感,正因如此,塔巴同Can合作咗呢一系列嘅文章,而由最初只係塔巴嘅一個小合作,一個出圖,一個出文,想將香港嘅舊嘢一點一點咁寫出嚟,不過容總就話,有文唔好浪費,就正式喺輔仁度刊登。

一篇又一篇嘅文,容總眼見呢篇文寫得好,啲圖又好靚,就忍唔住問佢地:「不如出書啦!」亦因如此,由網上見到的《陌事錄》,終於集結成變一本實體書。

然而出書都有一堆難題,由費用到出版印刷,容總話,每一分一毫都要計過度過,應洗則洗係好重要,不過首要就係買部scanner 俾阿Can, 點知最後根本無用過呢部機…….

「今時今日出書真係唔易㗎,你又要搵發行,又要搵出版社,仲要唔一定賣到,所以唔好怪點解咁多作者做唔落去,因為中間你漏走咗好多錢落去一啲睇唔到嘅地方,而其實出書係咪咁難?自己排版,直接搵廠印書,搞網上賣書,同小書店傾擺賣,其實唔難,不過好辛苦囉。」容總愈講愈激動,因為佢話,其實自己印書拎上網賣好多地方都做緊,只係香港唔肯去試,亦都對讀書文化唔熱衷,好多時都因為咗埋沒咗好多好作者,同樣亦因爲咁,好多人視出書係一件難事。

 

 

雖然我聽就覺得唔容易,但原來容總加埋Can一齊,仲有清君嘅幫忙,大約九個月左右,終於面世,所以如果你問佢哋的話,出書其實唔難,難就難在,點先可以賣書。亦都因為咁,賣呢本書就變成長期作戰,印好以後,除咗做一系列網上宣傳,仲要搵一啲書店去上架,而自己印書的一個風險,就係要學識點樣唔賣帳俾發行商,因為唔經發行,你就有上唔到連鎖式書局。而呢刻,佢哋仍然逐步逐步面對呢個挑戰,但假如成功的話,相信對於出版界係一個大衝擊,因為賣得好的話,亦代表香港出書,可以不經發行,呢個,分分鐘係一場革命,而成功與否,可能就只差我哋一個決定。

《陌事錄》係一本好書,沒有賣花讚花香的成份,不過最起碼,呢一本書係一本直接支持作者嘅書,而唔係幫出版社交租,如果今次成功,即係話,以後我哋付出嘅每一分錢,都真正孕育緊每個香港作家。

 


 

《陌事錄》終於搵到個好方便嘅位寄賣喇:D

無信用卡或者想揭下真書就上去啦:)

 

 

旺角上海街450號慶華商業大廈7/F A2室
(信和過彌敦道行多個街口,惠康轉右少少就係)

 

 

同場仲有大量其他得意嘢賣架~~

 

 

網上購買仍然有效~信用卡或PAYPAL 付款,郵寄到府上:)

 

作者:Sunshine

Sunshine
無限的宇宙裡,人和物質的山,水,遠村,雲樹,又如何比得起?然而人的思想可以超越到太空裡去,它們卻永遠只在地面上。《山中雜感》--冰心 FB PAGE: 陽光燦爛的 Sunshine

閱讀後覺得好,請多多讚好及分享~:)

其他熱門文章

  • 【遊戲新聞】新 PS Plus 訂閱服務推出 要補差價兼無訂閱期揀引起爭議 by 滅盡殺手
    有見微軟推出嘅 Xbox Game Pass 大受歡迎,Sony 亦都緊接推出自家嘅訂閱服務,亦即係今日正式上 […]…
  • 《彼岸島》絕對是我人生中看的其中一套最令我無言的漫畫。 by 鵝鑾鼻燈塔
    如果你沒有看過,恭喜你,你的人生是完全沒有任何損失的。這種比狗血更狗血的劇情,永無休止又不斷無限loop的橋段,看了也想把自己雙眼也插盲。簡單來說,主角不論做了甚麼,也無法打死早已不死的吸血鬼之王,只能眼看自己的同伴一個又一個的死去(有時甚…
  • 【BNT-020】為保住工作的女生注射了疫苗 by 柚希
    她解開襯衫最上的兩粒鈕扣,輕輕的向左邊拉下襯衫露出少部分的黑色胸罩跟小麥色的肌膚,教男護士呑了呑口水。「消毒完喇,會有少少痛,忍一忍吓。」「嗯。」Jess緊閉眼睛,憶起工作上的瑣碎事情嘗試分散注意力。「打完架喇,小姐你去休息區坐到紙仔上嘅時…
  • 18年後再次見到中國人,佢露出巨龍打招呼 by 薰華
    首先,我哋要了解下秦漢時嘅人係點坐嘅先。今日我哋會坐喺櫈上面,其實係胡人帶嚟嘅文化嚟,早期華人嘅正式坐姿,就係今日日本人嘅「正坐」,係坐喺地上面嘅,而呢種坐法,冇練過嘅話我真係寧願唔坐。…
  • 老師話同性戀唔啱,應該點答返佢? by 外賣仔
    如果一個「老師」話同性戀唔啱,你哋拍拖係錯嘅,千祈唔好諗住抗衡話同性戀無嘢先,因為呢個「老師」已經預設咗呢條問題,佢啱,但你錯。呢個時候你要先更正佢條問題先,記住,係更正佢條問題先,因為你面對緊嘅對手其實係一個白痴同埋低能嚟嘅,根本對同性戀…
  • 【轉工適用】Reference Check 又黎料啦 by HR 扮工週記
    Reference check 一般會喺個 Candidate 拎咗 Offer 之後做,公司會跟據 Candidate 俾嘅資料,然後向以前嘅僱主查詢所提供資料係咪屬實。不過唔係所有公司都會做,一般某啲特定行業或者有少少規模嘅先會去做。其…
歡迎讚好我們的facebook page,免費資訊源源送上。

文章資訊

ID: 159274
Date: 2017-05-09 19:33:04
Generated at: 2022-05-26 06:24:53
Permalink: https://www.vjmedia.com.hk/articles/2017/05/09/159274/《陌事錄》-八十後女畫家與兩位怪叔叔,創造