七一遊行一定成功,要用人數話俾個政權知道,book 左個場先呢啲小動作係垃撚圾

政治 / 最新文章綜覽

 

七一維園被建制派book 左場,03年開始搞七一遊行嘅民間人權陣線,喺fb 半譴責半無奈咁話會照舊舉行,好似話大不了移師Sogo 對出記利佐治街集合云云。

香港民主運動乃至社會運動,經歷2014年尾嘅雨傘革命(aka 佔中),訓左兩個幾月街,到最後除左公民覺醒之外就係得個吉,然後民運社運界中人,兩年多來各懷鬼胎各自各精彩,圍繞呢件事,傳統泛民保光環有之,新興本土搶光環有之,連建制財金悍將曾俊華競選之時都不忘抽一抽水。

民運社運界經歷左咁多,人性中「誰也不願為誰抬橋」嘅美德彰彰明甚,只要你唔係我嘅下線,我一定唔會理你,甚至千方百計整死你,口裡冠冕堂皇嘅措辭,只係掩飾血淋淋殺戮嘅遮醜布,近例就當然係民主黨公民黨力捧嘅曾俊華,任由其有錢都買唔到嘅團隊,「孤立左阿迪同長毛就搞掂」,再近就係獨立音樂聖地Hidden Agenda 被抄家,在紅館book 到場嘅獨立音樂聖人兼社運女神何韻詩到今日呢一刻都沉默是金,真戰神也。

講真,身為一個生意人,一個搞網嘅人,政治同社運固然係其中一個可以帶來閱覽嘅題材,政治人同社運人都係潛在supplier,關心政治同社運嘅人都係潛在客戶,每日研讀兼研判呢個圈嘅大小事,係我必須要做嘅。

相比於其他「鳩嘢」,諸如拍拖應該點對男朋友、芝士拉唔拉到絲、返工老細點恰小薯等等,政治同社運都係屬於無人理嘅topic,呢個topic 之中最多人理嘅,就係薯片公關手腕同埋宣傳字體好睇過淋病,無架喇。

講到咁遠做乜?

其實我只係好奇,究竟香港嘅所謂反建制人士,存在係為左乜嘢?

為左不斷被打壓而有一個被打壓者的優越感?

為左被人拉去坐監而感受到「同道」好支持自己呢個戰友?

為左有一個堂皇嘅門面去搞眾籌或得金主寵幸搵兩餐?

其實大家都知道,反建制要真係反得成功,誰也不可少了誰,條數唔複雜架,如果個力量唔係可以壓倒建制,咁反乜嘢喔?但係口講反建制嘅人,就最鍾意搞死隔離嗰個先。我搞生意架咋,你唔好埋來問我做過乜呀,死撚開呀。

講番七一遊行,其實都估到泛民嘅套路都大致係咁,建制又打壓我喇,市民你地可憐下我啦,到左嗰日一定要行出來唷,要用人數向個政權say no no no 呀,沿途記住支持唔同團體,支持即係入錢呀。

你地一定會成功架,聽日一定會更加開心,是咪呀哈姆太郎?

酸臭廢話講完喇,無咩事我返出去做我嘅不義商人了。

作者:白木乩

白木乩
聽聞係總編分身,專用來出D 與總編身份不符既膠文

閱讀後覺得好,請多多讚好及分享~:)

其他熱門文章

  • 點先可以令男人唔好偷食? by 木頭
    衰啲咁講,你地由細到大所有來自電影、劇集、小說入面果種忠貞好男人,好似耶穌、真神同觀音一樣——係,冇人可以證明佢地唔存在,但同時亦都冇人可以大大聲聲話佢地親眼見過。就算你有姊妹同你講佢見過,甚至親身擁有過,都只不過係源於佢地唔了解佢地身邊嘅…
  • 【遊戲新聞】最強多人喪屍遊戲 《Left 4 Dead 2》相隔十年推出最後大改版 by 五木
    經典遊戲《Left 4 Dead 2》推出超過十年,話佢係最強多人喪屍遊戲應該都無乜異議(雖然我覺得一代正啲) […]…
  • 我幾點收工關你叉事咩! by 小盛女
    「你呢排係咪好得閒?我見你成日都好早收工,琴日六點幾已經唔見你。」人事部Macy說。「我放六點,六點半我先走㗎喎,而且準時收工都正常啫。」我說。「無,想睇下你係咪好得閒咋嘛,以前你成日都好夜收。」Macy說。…
  • 我才不要做那種抱着男人雙腿苦苦哀求的女人 by BEAR 兒
    「只要我說了,我就是輸家。我才不要做那種抱着男人雙腿苦苦哀求的女人。如果不想受傷,你就得先去傷害別人。這道理我年青的時候就學會了。」她穿着一條白色的連身紗裙,披肩的黑髮和鮮艷的紅唇使她散發着成熟女人的魅力。這番話出自她的口中,非但不突兀,反…
  • 所謂「唔想拍拖」,完整意思通常都是「我唔想同你拍拖」 by 月輪
    在情場上無數次暗戀的失敗經驗告訴我,聽到「唔想拍拖」這句話,其實比聽到「我唔鍾意你」更令人上火。直接了當地說彼此不適合,沒有感覺,至少是一槍斃命的痛快,但若說「唔想拍拖」,卻令對方有種要苦候的感覺。因為對方可能會怕若不等待,突然你想拍拖時,…
  • 「玩玩就好!」 by 麻甩水瓶
    這是你在第一次吻了我後說的第一句,當然,沒有人會認真玩火。那一刻你看我的眼神,好像全世界只有我一個人能被你這樣看著,好記得那雙有魅力的眼睛。好記得那淡淡的薄荷煙草味,好記得你早上的問候,而晚上待我洗澡後才睡的關心,好記得你提醒我飲酒前要吃點…
歡迎讚好我們的facebook page,免費資訊源源送上。

文章資訊

ID: 159333
Date: 2017-05-10 16:54:59
Generated at: 2020-09-25 14:37:13
Permalink: https://www.vjmedia.com.hk/articles/2017/05/10/159333/七一遊行一定成功,要用人數話俾個政權知道,book