今日大力提倡買樓嘅上一輩人，係根本唔明白今日全球環境，同埋一種席捲全球嘅「年青人苦悶」。全球嘅資產都上升得好緊要，就好似曹仁超當年講嘅「發達容易搵食難」，你揸住幾層樓，當然覺得大家都應該要買樓先可以財務自由，但係對年輕人黎講，而家首期係講緊二百萬港紙，但你每個月儲到嘅錢可能只係幾千蚊，甚至幾百蚊（租金、飲食、交通）。就係因為呢種矛盾，先出現咁多不接地氣嘅「去少幾次日本就買到樓」，請問當你年入只係二十零萬時，你點樣「儲幾年」就儲到二百萬返嚟呢？做槓杆，風險極高，如上所述，資產價格逆轉隨時會出現，到時未得其利先蒙其害。