過程當中，跑步絕對係大忌。「欲速則不達」、「弄巧反拙」、呢啲都係古人嘅智慧。我懷疑佢哋同我一樣，都係標住拉絲屎咁筆錄當下感慨，先能夠成就出呢堆不朽名句。如果你係過來人就會知道：「去到廁所之前，唔好跑，一跑你就泄！」不單止你嘅肌肉會喺跑步嘅時候律動抽搐，加上冬天寒氣、巴士閂唔到嘅風口位、地鐵行駛時吹埋嚟嘅風，缺堤之時不遠矣。