每次睇新聞見到有人抹窗跌死，我個心都會沉一沉。點解會有人為咗一塊玻璃透多啲光去搵命搏？係咪我嘅價值觀同其他人唔同，大家寧死都要日日抹到隻窗立立令？但係就算大家心目中，一隻窗係幾咁緊要呀，香港係一個打工仔劈砲唔撈都冇勇氣嘅社會，大家邊度嚟咁大勇氣去玩到咁大，執屋執到用生命作賭注？我知道價值觀人人唔同，但係如果事後諗返，如果面前有兩個選擇，一係「死，但係隻窗會乾淨少少」同「唔死，但係隻窗會有啲污糟」，你會點揀？我諗大部份人應該會揀後者啩。