我喺過去每次拍拖都係投入百份百信任嗰個，無論對方話去玩、去同人食飯、去飲嘢都好，我都只會講低一句「OK，去啦」。直到上一次嗰個，就算一齊開始咗冇耐，就算有懷疑同不安，佢話要同個新識嘅男性食飯我都冇落閘唔比去。「世界唔係男就係女」依句我都成日講出口，佢講得比我知我就應該信佢，嗰一刻我係咁諗。結果我同佢好快就分開，佢嘅理由係想比心機讀書，想管理好自己生活，已經冇拍拖嘅動力。好假係咪？好典型理由係咪？點都好，我再唔捨得，再唔開心，除咗接受我冇嘢好做。