「有冇睇神雕㗎？神雕嘅黃蓉好難頂㗎！」

我真係得啖笑。

首先，神雕嘅黃蓉個樣仍然係女神級，仲係武林第一美人，一啲都唔輸畀青春無敵嘅小龍女，仲要係生咗三個都係咁。

其次呢，大家喺神雕入面成日以楊過嘅角度去睇黃蓉，但係邊個係佢老公先？係郭靖呀！佢對郭靖好唔好？好到極點。點解佢要拆散楊過同小龍女？因為郭靖唔鍾意囉！因為老公唔鍾意而仆心仆命去做一樣嘢，到最後更加陪住佢喺襄陽城死，仲要臨死前都要千方百計鑄造屠龍刀、倚天劍去留低反元復漢嘅資本，佢咁做係為咗邊個？咪又係郭靖！

所以話，黃蓉作為老婆其實真係世界級，只係唔好畀佢做你伯母囉！

但係啲人係分唔清伯母同老婆同女友嘅。

唔知係咪香港人鍾意搵伯母做老婆呢？定還是搵老婆做伯母？

貴圈真亂呀！

作者：哲學仔

一條哲學廢青

閱讀後覺得好，請多多讚好及分享～：）