我呢就係一隻狗，聽講人類係我最好嘅朋友。
其實都係睇一啲啲啦，有啲人類會覺得我哋狗仔先係主人，又買衫又買鞋畀我，又添置大屋畀我哋瞓，係旁人眼中佢哋呢群人係痴線嘅，但其實佢哋都係愛錫我哋呢啲馴化咗嘅家犬啫。
至於有啲流浪狗同伴就冇咁好彩啦，佢哋會畀人類追趕，一係打死，一係虐待，再唔係就人道毀滅咁，總之去到邊都唔受歡迎，但唔好彩地，呢班流浪狗，有好多都係因為人類棄養被迫流落街頭，你估佢哋唔想有個溫暖嘅家咩？
有啲就重慘，流浪又好，家養又好，畀人分屍煮埋嚟食啊！慘絕人寰啊！
但係，我估唔到，估唔到有件更加恐怖嘅事降臨喺我身上。
養我嘅主人，唔知喺邊度識咗個食素嘅朋友，嗱！食素唔同食齋㗎下！
個食素嘅朋友話佢有得揀，幫佢隻狗仔揀咗食素！積德積善咁話喎，大佬啊，就係人類，啊佛祖話前世功德不足，所以淪入咗畜牲道啊嘛，咁既然唔係人，咁食素積咩善同德啊？我夠知狗都可以聽聞佛法啦，但都話食素同食齋唔同囉！冥頑不靈！
喂，主人有得揀，狗仔有冇得揀啊？畀我揀下啦，我唔想食素啊。
汪。
「咦，你鍾意食素啊？以後都食素啦好冇呀？」
汪汪！
「你真係想食素喎，好啦！」
屌，我唔撚想食素啊！你知唔知我會唔夠營養㗎？
你知唔知我係狼嘅近親嚟㗎？
我要食肉啊，我食肉㗎你老味！
你班人類咪咁自大同戇鳩啦，我又唔係人類，你嗰套喺我身上唔work㗎，喂！
早排都有個人類BB食素奶死咗啦，喂！聽我講啊！
汪汪汪汪汪汪汪！
「阿仔鍾意食素真係太好啦！」
唔係啊！屌！
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2017年5月22日
