強姦犯有錯係毋庸置疑，但喺呢件事入面，所謂受害者本人根本冇定性過自己係受害者，而佢有關美好愛情嘅思考，亦遠遠超過用正義與否去討論性侵罪行。對受害者再加責難係錯，但每個人都要為自己人生負責任亦唔係錯。世間嘅兇險，愛情嘅不對等，係要靠自己半爬半摸去累積經驗，訴諸無知，甚至責怪第三者同埋學術論文唔預先提點自己都係不切實際，因為其他人都係以經一事，長一智嘅方式去換取成熟，成長係冇得衣來伸手，飯來張口。