傳媒失職政客無能,咁你哋仲想小市民關心多啲乜嘢?

 

 

其實一個「公民」嘅責任係理應去到邊?如果要細數,當然,每一個人都可以做得好多,做到好盡。鍥而不捨咁去追查一件事,去打官司,去糾纏唔同嘅機構,去宣傳自己嘅訴求,不一而足。但係當我哋不停喺到「慨嘆」一啲「好重要嘅事」「過兩日就無人理」時,其實第一,我哋自己講嘅時候可以做啲乜,第二,我哋認為一般人應該做到咩地步?

好老實講,好多嘢,一係你就去到「大半個局內人」嘅地步,例如翁靜晶之於佛門黑幕,一係你就有一個社會角色去做,例如教師關心教育,社工關心弱勢社群,工程師關心工程,否則其實當啲人大聲疾呼「普通人要關心多啲」時,係期望緊啲乜嘢?

好多時我見啲人大聲疾呼話普通人點點點,我都會搵到一個我認為更加值得對應嘅人或群體出嚟,最常見就係傳媒同政客。因為呢兩者本身就係「當一件事未受關注時就由佢哋去帶起議題」。而家我感覺好似,有力量嘅,本身有角色嘅,一路喺到責怪一啲更加無力嘅人。按照左翼術語,就係「向弱者抽刀」。

呢個時候當然又係時候睇相關人士出嚟喊苦喊忽話有無限苦衷,你一介達唔到 correspondent 境界嘅撚屌網民喺到鳩屌唔體諒以偏概全,所有本土派都係乜乜物物。

好,咁舉個例。

大帽山蓮姐被政府玩,一個話唔駁水另一個話你駁咗水先發牌,於是無熱食賣。然後傳媒就話「唔知講乜好」,其實傳媒應該可以問下漁護署理據係乜?或者提出呢個疑問,都好過「唔知講咩好」?而當提出咗質疑之後,政客係咪可以去同政府周旋下呢?呢個「責任」(if any),點睇都係政客比起一般人更有力去做掛?

類似嘅事當然仲有好多,亦更大單。例如港豬噢大鑊橋造假樣本。一般普通人連咩測試都唔知,咩準則都唔知,點追擊呢?呢個時候開始學?喺咁嘅情況下之下,日日見住啲人話「香港人善忘乜乜乜」,其實真係唔知大家係期望香港人係應該係點。喺一個正常社會之中,呢啲嘢係應該由專業人士,由傳媒,由政客出嚟跟進。工程師學會呢?怪香港人之前係咪有啲人應該企得更加前?

 

作者:林非

離經,不欲縛於經書舊說,欲自成一家自成一經。八十後,以追求人生自由之道為己任。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 160303
Date: 2017-05-25 05:39:36
Generated at: 2020-08-15 21:32:38
Permalink: https://www.vjmedia.com.hk/articles/2017/05/25/160303/傳媒失職政客無能,咁你哋仲想小市民關心多啲乜