香港郊野公園係香港人生活嘅一部份,佢唔係荒野,係實實在在有用的

 

香港郊野公園嘅故事,要從日軍佔領講起。

在日軍佔領之前,香港包括香港島、九龍半島乃至新界,都只有極少部份被開發,大部份地區都是地理上的郊野(rural area),自然無需要特別煞有介事咁將之名狀。

但係日軍佔領左香港,就大舉砍伐樹木做燃料,特別係香港島嘅郊野更加變成荒地。對於山多嘅香港島來講,山坡變成荒地係非常大鑊嘅,因為香港位處於亞熱帶,夏天降雨量很多,陡削嘅荒地面對雨水沖刷,就會發生山泥傾瀉,但如果泥土上面係有植物,植物嘅根係會抓實泥土,愈大嘅植物,抓穩嘅泥土就愈深愈大,一個有健全植被嘅山坡,「無論雨怎麼打」都唔會有事。

香港重光後,當時政府已經緊急植林,防止水土流失。可惜缺乏法例,乃至公共政策及財政嘅配合,效率自然不完美。

根據維基百科,《郊野公園條例》於1976年生效,翌年劃出第一批郊野公園,包括城門、金山、大潭、獅子山及香港仔。至今,香港郊野公園範圍有443平方公里,佔香港面積大約四成。

除左保護山坡,由於香港缺乏大河流,而需要喺山谷興建水壩建成水塘,一大片山頭就是該水塘的集水區,即是雨水落在這片山頭,水都會被引至附近的水塘,故此,這片山頭不可被開發住人,否則生活污水就會污染水塘。

另一個比較少人討論嘅係郊野公園嘅軍事用途,日軍南侵香港嘅經驗,乃至之後中蘇冷戰、新中國成立、中國政治不穩等等因素,令當時香港政府唔可以唔諗嘅,係中華人民共和國有機會揮軍南下。如果要避免市區巷戰,新界廣闊郊野就係理想嘅主戰場。故此,駐守香港嘅英軍,訓練標準之一係一日之內走完麥理浩徑。只要我們拿麥理浩徑的地圖一看,再走畢全程,沿途細心觀察,就會發現麥理浩徑是有意識地將新界東西及九龍半島以北的各個制高點,包括西灣山、牛耳石山、雞公山、馬鞍山、獅子山、大帽山等連成一線,即把新界切成兩半,而第五、六段更有二戰時留下的許多仍可使用的碉堡和軍事建設。麥理浩徑根本就是一條軍事防線。邊界是第一線、麥理浩徑是第二線、維港是第三線。

香港郊野公園係香港人生活嘅一部份,佢唔係荒野,係實實在在有用的,關係住每一個香港人嘅生活。

 

(軍事用途一段參考楊漢群觀點

 

本文亦載於《陌事錄》

賣書時間:

過程好簡單,選數量,入郵寄地址收信人,入信用卡,盛惠$128(海外訂購略加$20),一個月內就會寄俾你:)

(輸入信用卡一欄最低有個$16.47,係美金,即係商品頁右上角嘅港幣$128)

 

作者:容樂其

我覺得總編輯都有得出文係常識囉!

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 160341
Date: 2017-05-25 03:22:37
Generated at: 2020-10-25 10:24:44
Permalink: https://www.vjmedia.com.hk/articles/2017/05/25/160341/香港郊野公園係香港人生活嘅一部份,佢唔係荒野