望住個EX 攬住新女友嗰種感覺真係呢. . . . . .

(photo via cc Flickr user Alison Mickelson)

 

其實香港話大唔大,話細唔細,明明大家都分開左半年,唔知做咩一到夜晚,由其得番自己一個既時候,就會好感性咁碌下手機D相,睇番以前同佢一齊影既舊相,諗番以前拍拖時既sweet野,然後就會忽然手痕Whatsapp對方傾幾句。

我:最近好嗎?
他:好呀。
我:你記得食多d野呀。
他:你都係呀!
我:你有冇好好keep住本相簿呀?(痴曬大家合照既DIY相簿)
他:有呀,仲keep係到。

當下個人真係好似開心D咁,那是送給他最後一份禮物,然後留戀更多。

但結果2日後,係條街行行下個陣,竟然見到佢好開心咁攬住一個又瘦又高既女仔,我隨手Send咗2句過去:你新女朋友身材幾好,同你好襯。佢當下望完手機之後周圍望下,然後見到自己,真係好狼狽,就咁走出間舖頭。

其實係唔開心多過嬲,因為成個人即刻頹曬,好想衝番屋企,唔想同任何人應酬,個天就真係好似同自己開緊玩笑咁,之前分手後一直都好想係條街撞番佢,見到有佢身上特徵既男仔都會停低望一望,例如釘黑色耳環既,成個情形就好似電視劇感動畫面,以為大家無見好耐,再次見番會發現原來好掛住對方,好捨唔得對方,然後又再愛上對方,成段戀情重頭來過,真係好完美。

但感情冇左就真係冇左,當初好多既甜言蜜語,好多既承諾,唔介意你無好靚既外貌,唔介意你無身材,仲帶你去親戚婚禮,介紹你俾佢所有屋企人認識,都只不過係當下。你以為自己好謹慎,以為佢真係係呢個速食社會入面,唯一既清泉,對愛情唔係玩玩下,點知就好似個fd咁講:你踩屎。

發生咁既事,第一時間好心急番屋企睇下佢Facebook、instagram或者snapchat,睇下佢識左新女朋友之後有冇del左自己,點知見到佢unfriend左自己Facebook,其他咩事都冇,其實咁樣做又算得係咩?係咪顯得自己仲好care佢?冷靜諗番自己真係好傻,畢竟人地都已經係街拖緊個新女友好開心咯,點解仲要咁做?

所以人真係好犯賤,明明當初係佢因為冇感覺提分手,俾人hurt到係街喊到死去活來,都仲係要去搵番人,最後直到係條街望住佢攬住個新女友,當刻心痛,再心死。於是我一口氣block曬佢所有野,因為唔想遲下見到佢同新女友既合照,唔想對佢再有任何留戀,唔想顯得自己好低賤。

而事實上,如果你問我,俾多次機會你望住佢,你又會唔會有當初好中意好愛既感覺?我會答你冇,係咪好矛盾?其實一切都只不過因為我不甘心呀!

我的確好留戀同佢既個份情,但都只係留戀係佢同我曾經好甜蜜既日子個到,而唔再係佢個人,我的確係好唔開心見到佢懷抱裡係其他女仔,但都只係因為我覺得佢唔可以俾其他女仔擁有,而唔再係愛佢個人,這是不甘心,不忿氣的愛情。既然係咁,一切都唔好再煩,一口氣block曬所有見到佢動態既野。

讓累透的心休息吧,留給自己最後一絲的尊嚴,時間總會讓你看清對的人,讓你值得被愛。

 

作者:莎拉舒

90後學生,喜歡感慨生活一切。當你想起我的文字時,你會感受這是生活,因全都是真實的。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 160475
Date: 2017-05-27 05:54:19
Generated at: 2021-01-18 15:43:25
Permalink: https://www.vjmedia.com.hk/articles/2017/05/27/160475/望住個ex-攬住新女友嗰種感覺真係呢