港女實錄:臭雞果然係臭雞

小城小事 / 最新文章綜覽

 

識我嘅人都知其實我唔係太好食肉,所以平時自己整嘢食都唔係真係好多肉嘅嘢。而且身邊人又當正我港孩咁縱,我細個真係除咗經過雞檔見到啲雞好嘈咁等死,同埋偶爾喺屋企見到佢哋有滑嘟嘟嘅白肉,有浸薄薄哋,油黃而唔漏嘅皮包住之外,我真係冇咩接觸雞……

但今日我個屋主whatsapp我叫我幫手餵狗狗,我二話不說就應承咗啦,心諗都係餵糧,點知,點知……可怕嘅惡夢出現咗啦!佢叫我餵生肉,咁我仲打算係平時啲雞柳雞脾啦,點知打開雪櫃,得雪櫃尾二嗰格瞓咗一隻原隻冰鮮雞!嗰隻冰鮮雞瞓喺佢個寫咗名嘅透明睡袋入邊,我望住佢,佢又望住我,我再搵咗搵,真係得佢一隻雞喺度!

大佬啊。你點解要成隻咁出現喺我面前?咁都算啦,我停咗五秒鐘,再望住企我不遠處勁開心嘅大狗狗,都係鼓起咗勇氣去搞嗰隻雞……唉,我又冇叫雞,點解要硬搞嗰隻雞……都算啦,我同佢好安全噉四目交投住噉,拎佢去洗碗盆,然後剪開個袋口。屌!嗰刻嗰陣味真係好不安,我覺得我呢世人都冇聞過呢隻味,真係臭雞味嚟!

然後又好盞鬼嫁啵……嗰隻雞呢自己對後肢會塞去返對自己體內……咁仆街啦…我點餵阿狗狗呢……於是我都係將佢喺個套度倒落洗碗盆度開啟清水模式,解凍加洗吓隻雞啦,勁沖勁沖勁沖……一邊沖隻雞就一邊側埋嗰頭,好鬼嘆咁望住我。佢個樣真係好L邪惡。搞完一輪,我其實都係唔夠膽拎起隻雞,於是就夾硬掹佢隻前腳(其實雞明明得兩隻腳,但唔知點解我好似覺得佢有好多隻噉),拖佢上個砧板度,想至少切佢四肢,等我易餵少少。

搞咗唔知幾耐(其實唔係好耐),我幾經辛苦,切完嗰兩隻腳,跟住想繼續落去嗰陣……我見到狗狗期期艾艾嘅眼神……我覺得……都係唔好辛苦自己切了。然後我將嗰隻雞嘅本體連埋切開咗嘅嗰兩小份放咗落個大鐵碗度,坐咗出花園嗰邊餵狗狗。咁餵嗰兩細份我都覺得OK嘅,但…到咗後尾,狗狗自食其力咁咬隻雞個頭啊,個身嗰陣,唔知點解我覺得佢每咬一啖我就聞到一陣臭雞味。隻雞未食完,唔係,係隻狗都未食完隻雞,唔知點解我覺得佢有少少隻雞嘅重影……嗰一刻我放低咗隻雞,再放低埋隻狗喺花園度,自己入返屋,扮咩都睇唔到,但個腦海不停浮返隻雞嘅觸感同埋氣味出嚟……

我發誓,我呢世都唔會咁睇唔開走去餵隻狗食原隻冰鮮雞!

 

註:

1. 我覺得我咁樣真係好唔尊重阿雞生死去嘅生命,但我真係好怕雞,真係好怕。由細到大都好怕雞,我希望佢喺阿狗狗嘅肚入邊可以安息,今晚唔好託夢俾我。

2. 嗱,唔好同我講咩殘唔殘忍,我家隻狗唔食素嘅。

 

作者:Echo

閱讀後覺得好,請多多讚好及分享~:)

其他熱門文章

  • 做傳銷其實同入邪教無乜分別 by 小盛女
    「想唔想快啲有錢結婚買樓?」「想唔想快啲搵到人生嘅第一桶金?」「想唔想出人頭地?」「想唔想一世免費用護膚產品?」…
  • 【MHXX攻略資料】村下位 ⋆1-6 KEY 任表 by VJGamer
    村 下位 ⋆1 KEY 任表 任務名稱 狩獵對像 出現條件 備註 古代林の特性ゼンマイ 採集 8 個特産ゼンマ […]…
  • 運動場上的小團體——「女朋友協會」 by 愛麗 ‧ D
    曾經遇過一個最讓我佩服的女生是這樣的:首先她拿到了全勤;而且她親和力夠,再且可能因為全勤的關係,跟男朋友ssssss都熟絡,熟悉得能接下球場上內外的所有人的所有話題;還熟悉球場上所有的規則,懂得球證每次響哨的意義;還跟每一位女朋友都熟,就像…
  • Goodbye HK, Hello HK. by 毛言地
    班機兩點半飛。預早三個鐘到準備Check-in,再計埋搭巴士去機場,準時十點打開屋企大門,準備迎接久違嘅飛行之旅。雖然平時我同啊媽買餸幫手拎袋橙都話好重,但拎行李就另計,再重都係開心事。等巴士用十五分鐘,車程用差唔多一個鐘。雖然淨係去機場嘅…
  • 吃很多但不會胖的女子 by 藍兼併
    她啜了一口凍檸茶,然後接連吃了三口米粉,郊外的泰式食店在晚飯時段前的最後一個下午茶餐,在她慢慢品嚐下,變得特別美味。她是個會吃很多,但看起來依然弱不禁風,有時瘦削得營養不良的模樣,臉頰都會凹陷,只有鼻樑是高挺的女生。…
  • 如何成為護士?(包括登記護士與註冊護士) by Su子
    呢篇野係寫俾考完DSE,有志投身護理界既所有同學。…
歡迎讚好我們的facebook page,免費資訊源源送上。

文章資訊

ID: 160519
Date: 2017-05-28 00:49:55
Generated at: 2020-10-20 14:34:26
Permalink: https://www.vjmedia.com.hk/articles/2017/05/28/160519/港女實錄:臭雞果然係臭雞