一日有大愛同盟,香港同運都唔會有曙光

 

早幾日我地一直都好開心見到台灣準備成為亞洲第一個同性婚姻合法化嘅亞洲國家,呢個消息對華人社會國家黎講,一定係一種鼓舞。但對香港黎講,一定係一個重大嘅恥辱。以往我地一直好驕傲,香港係華人社會走在最前嘅國家,到今日,我地竟然連少少嘅民事結合都做唔到。如果要去怪嘅,我諗就係怪呢幾年一直帶領同志運動嘅新興組織,大愛同盟。

寫呢篇野一定會有人講,佢地最少好勇敢走左出黎啦,你仲怪佢地?你自己問心,佢地由成立果年,到依家做左D咩?你一樣野都諗唔到。從前我地怪帶領平權運動嘅香港彩虹只係一班拎個OFFICE黎扑野跟住叫兩下嘅組織,當我地以為大愛同盟可以比起佢地做到更多嘅時候,換黎嘅,就只係絕對嘅心死。當我地以為佢地嘅代表人物比以前更有聲勢嘅時候,我見到嘅,就只係佢不斷利用呢件事去延續佢嘅事業,跟住再得閒係FACEBOOK鳩UP幾句當做野。我地咁樣真係值得去擁有同性婚姻咩?人地台灣係實實在在咁去爭取架大佬。

由大愛同盟成立果年開始,每年佢地都會去71籌募經費,每年你都會見到差唔多果幾個出名嘅明星去幫大愛同盟延續生命。第一年見到佢地果陣,我仲係一個中學生,冇咩錢,我捐左自己一星期零用比佢地。因為係第一次見到同運嘅曙光,好似真正去番爭取性行為合法化果陣嘅社會聲望。但幾年過去,香港變左好多,慢慢我地分開左兩極派,而大愛同盟當然地跟左佢地幾個大佬,去左監暴,監察示威者嘅暴力。都唔緊要,我從來都認為我地需要爭取社會支持,就需要有人企係高地。但估唔到嘅係,佢地企左係高地就落唔番黎了。我以前以為佢地會有一番作為,會去改革香港平權運動。唔再係一班GAY佬係到圍威喂。但原來大愛同盟就好似你屋企樓下間酒樓咁,改左個新D嘅名就以為可以呃到人。

大愛同盟嘅唯一政績應該係將每年一度嘅GAYGAY PARTY變左每年兩度。姐係遊行再加埋一個新嘅集會PINK DOT。你會見到搞左咁多年,呢件事有咩成功爭取過?佢引唔起社會關注,引唔起媒體報道,令唔到政界當平權係一種聲音去重視。成功嘅係,爭取唔同商界機構去贊助成個PARTY。有KY有CONDOM有野飲有JACK’D。OK,我地好足夠了,班GAYGAY可以即場覓食了,多好。多謝大愛同盟提供場地。

作為一個同志組織,唔係要搞活動去慶祝自己嘅唔同,而係你要話比保守嘅世人聽,我地都係一樣,同其他人一樣都係人類。你愈搞咁多驕傲嘅野就只會引起D人覺得你唔同,覺得你唔同咪要搞鳩你囉。我唔係要合理化人地搞鳩你嘅行為,我都唔係要鬧你地搞咁多PARTY。你一日唔去組織更多教育異性戀接受同志平權嘅活動,人地一日都唔會接受你,了解你。

今日,我地見到台灣成功左,係因為人地努力爭取,人地會去係教育著手,唔係剩係開個PARTY遊行,行哂成個銅鑼灣大叫我係GAYGAY就可以結婚。我地係唔同,但我地要話比愚昧嘅香港人聽,教育佢地,我地係無害。我知一定會好多人走黎話我歧視BLAH BLAH BLAH ,我只係愛之深,責之切。天佑香港。

 

 

作者:歷史系小賤貨的日常

歷史系小賤貨的日常
筆者集GAY佬、賤貨、劣筆、廢青於一身。如文章有害,概不負責。

閱讀後覺得好,請多多讚好及分享~:)

其他熱門文章

  • 【辦公室智慧】Learn how to not give a fuck, you will be fine. by 沒有句號
    大佬個 Sales Assistant – Ann 姐入 form claim 電話費,一次過 claim 一至八月,公司 policy 講明只可以 claim 最近兩個月嘅單,會計部都係跟 policy 做嘢啫,過咗期自然就彈㗎啦,所以 …
  • 【真人真事】小表妹的胎前記憶 by 表姐
    「你仲記唔記得喺媽咪個肚果陣係點架?」 「唔記得啦」 「再之前呢?未去媽咪個肚之前你喺邊架?」 「喺個天度」…
  • 失戀時,朋友講嘅野,聽下好喇! by 壞孩子
    佢地唔係你,唔知你個心有幾多掙扎,唔知你同個ex嘅經歷同佢俾你嘅感覺,就算你講左,佢地都係當故仔咁聽。而且,朋友為免你傻落去,通常都會叫你放手,話個人唔值得你等或者挽留。但你聽完,就算心知肚明,你鬼做到咁灑脫,如果你得,朋友就唔洗成日睇住你…
  • 關心柳俊江,仲多過十二位手足 by Terence Yun
    此新聞一出,不論是藍絲群組還是黃絲群組,都對此新聞樂此不疲,藍絲見此新聞,當然不會放過這個機會,明白,必然強力追擊,一定打到唔停手。但係唔明所謂的黃絲群組,所謂的本土、城邦之類,都對此也樂此不疲,大家七嘴八舌,當家常話,當正他有如阿嬌藝人般…
  • 去到英國做警花(自稱),見盡社會光怪陸離。 by 英國警花
    早排見d移民谷,個個都好擔心治安,人人好似會抬個夾萬日日出街等人打劫咁款,好似治安除左偷竊打劫外就無野要考慮。講到治安,你有冇諗過英國好多警力其實花了在照顧精神病人身上?…
  • 【MHXX攻略資料】村下位 ⋆1-6 KEY 任表 by VJGamer
    村 下位 ⋆1 KEY 任表 任務名稱 狩獵對像 出現條件 備註 古代林の特性ゼンマイ 採集 8 個特産ゼンマ […]…
歡迎讚好我們的facebook page,免費資訊源源送上。

文章資訊

ID: 160568
Date: 2017-05-28 21:16:26
Generated at: 2020-09-23 00:29:16
Permalink: https://www.vjmedia.com.hk/articles/2017/05/28/160568/一日有大愛同盟,香港同運都唔會有曙光