關鍵一票,到底去咗邊?

政治 / 最新文章綜覽

 

 

香港荒謬之事越嚟越多,一波未平一波又起。早前小圈子特首選舉,兩部存有300幾萬選民個人資料嘅電腦被偷,選管會當然責無旁貸,正常都應該要立案調查,而鄭松泰議員係4月28日立法會內務委員會提出以權力及特權法調查選管會遺失資料,3位泛民議員都缺席投票,包括許智峯、楊岳橋及涂謹申,結果支持及反對各25票,最後就被主席李慧琼按議事規則否決。關鍵一票,到底去咗邊?

組織八十後浪電郵要求呢3位議員回覆,我相信好多人都唔知道佢地嘅答案,大家可以睇睇。

 

許智峯回應:

Posted by 八十後浪 on 2017年5月5日

 

楊岳橋回應 :

有關四月二十八日立法會內務委員會 Chung-Tai Cheng 鄭松泰 議員提出成立專責委員會調查選舉事務處電腦失竊事件之表決,本會收到 Alvin Yeung 楊岳橋 議員未能出席表決原因之回覆。本會順請楊議員節哀順變。另外,本會尚在等候 許智峯 議員及 涂謹申 James To 議員之回應。

Posted by 八十後浪 on 2017年5月4日

 

涂謹申回應:

Posted by 八十後浪 on 2017年5月5日

 

許議員就話自己因為區議會受襲一案而係警署落口供而返唔到去投票。個人認為作為一個議員,一個代議士,出席全部會議根本就係份內,其他事根本就應該係其次。如果許議員堅持要履行立法會議員職務而同警署要求改期落口供,我相信警察都奈佢唔何。而我假設許議員事前唔知道鄭松泰當日會動議造查,就結果嚟睇,許議員都係失職。

楊議員就話自己要處理屋企老人家身後事而缺席,更向鄭松泰道歉。補選時,口口聲聲話自己會對得住當日嘅關鍵一席,守住議會,結果又如何?其實香港人真係聽夠人道歉,香港人需要嘅係行動,講得出就要做得到。如果楊議員真係抱住為民請命嘅態度,自然唔會缺席,家中身後事一樣可以先搵其他親人幫手處理,投票要幾耐時間? 唔可以投完先返去再處理?

涂議員就話自己當時係立法會其他樓層入面同其他市民開會,聽唔到鐘聲而缺席投票。涂議員真係最抵屌,明知自己有會在身,仲要約開會?時間觀念同安排差到極點,都唔係要你有大貢獻,但係都唔好靠害先得架,而家係講緊全香港選民個人資料唔見晒,影響可以無遠弗屆,背後隨時有重大陰謀,涂議員點解咁不分輕重?

呢3位議員係事前到底知唔知道鄭松泰會動議?如果事前知道,缺席就等同出賣香港人,都係仆街,無懸念。如果事後先知,我期望3位議員真係可以反省自己,認真檢討,避免重複犯錯,下次唔好再令人失望。

 

 

作者:文探花

廢青一名,早上做教育,夜晚做音樂,醉心填詞,最欣賞林夕老師的細膩感情,最喜愛方文山老師的詩情畫意。不想在沉默中滅亡,深信堅持才有希望。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 160580
Date: 2017-05-28 23:27:21
Generated at: 2019-11-12 05:12:11
Permalink: https://www.vjmedia.com.hk/articles/2017/05/28/160580/關鍵一票,到底去咗邊?