審美也是政治

 

女人的美只有兩種:靚抑或唔靚,審美是非常主觀嘅事,每個人心裏把尺都不同,燕瘦環肥,化妝喬裝,體態美病態美還是心態美,人人準則不同,在下認為分享自己喜歡的「美」的定義,無妨,但誰人強行逼迫別人接受自己定義的「美」,甚至審美都要提防政治不正確,那就不妥。

無疑靚唔靚很主觀,但每個時代總有一套大部分人默認的準則,唐朝太宗好豐腴,漢家成帝喜嶙峋,2017年的香港人主流喜歡瘦底大波雙眼皮大眼瓜子臉高鼻小嘴,我並非說不是呢個組合就唔靚,而是唔科學目測統計而已,周秀娜是「靚」,欣宜那種的確不算「靚」,這是共識,無關肥唔肥或者歧唔歧視。

在下相信任誰人扲娜姐和欣宜做比較,娜姐較欣宜「靚」,係呢個時空呢套主流審美觀嘅必然結果,然而利用政治正確去影響別人價值觀的人,就會從「欣宜才是靚甚至比娜姐更靚」入手。

首先無論誰人任由自己賤肉橫生,肥到似隻人形豬,這一定是癡肥者的責任——冇人用枝槍指住你太陽穴迫你食,你又要食又要零運動,有卡路里收入冇支出,想正常身裁都難,全地球人都知道癡肥導致健康問題,癡肥的人肥腫難分,身形冇哂線條,頸胸腰腹臀不分,着衫自然難看,這些都是兜口兜面的常識,偏偏某些又要放肆地肥,放棄令自己符合普世標準嘅肥人,卻借「肥都可以靚」「你笑肥人就係歧視」「肥人都可活得漂亮」之類語言偽術去誤導世人。

這種聰明的肥人打著「肥人鬥士」招牌出場,道德高地企得夠高,別人質疑他,或者反對他的另類審美觀,他就祭出「你歧視你卑鄙你無恥」的大絕去招呼異見,久而久之,容忍肥人鬥士的謬論成為政治正確,或者不能說的祕密,稱之為神聖不可侵犯的宗教亦不為過。

但凡任何議題淪為政治正確之爭,它已經失去自我批判兼改善之動力,既然不戰都可屈人之兵,誰又會肯動腦筋去改革呢?有得屈機,又冇乜成本,點解唔屈?這就是人性。

所謂文明社會言論自由,尋常人講句肥人靚唔靚都要瞻前顧後,生怕落入政治不正確之羅網,得罪講句,這算什麼文明?有幾自由?

 

作者:爽健

爽健
不求聞達於諸侯,只願笑傲賞江湖。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 160599
Date: 2017-05-29 04:42:42
Generated at: 2021-10-21 07:42:18
Permalink: https://www.vjmedia.com.hk/articles/2017/05/29/160599/審美也是政治