粵語讀詩，一定押韻啲？

啲人成日話粵語比普通話好，因為佢哋貼近唐宋古音多啲，但係咁係錯嘅。

究竟粵語接近唐宋古音呢個myth係從何而起嘅呢？

首先，我哋中學成日有班不學無術嘅中文科老師成日話粵語讀唐詩押韻啲。

其實錯唔曬，粵語保留p, t, k音（入聲）係好啲嘅，所以讀呢啲詩會押韻，因為押韻只係睇最尾隻字，所以前面啲字粵語啲音變曬都冇影響。

反而，普通話由於將啲p, t, k音randomly assign，讀起呢啲詩會完全唔押韻。

但係粵語係咪讀全部唐詩都押韻呢？

其中《憫農》一詩四句都唔押韻已經可見端倪。

憫農 李紳

鋤禾日當午，汗滴禾下土。

誰知盤中餐，粒粒皆辛苦。

老師可能會教你唔係全部詩都押韻，但係一首咁廢嘅詩會唔會流傳到依家呢？事實係粵語嘅「午」同「土」音變咗好多，搞到第一句、第二句同第四句都唔押韻。

呢個就就係confirmation bias，我哋只知以粵語去衍量一首詩押韻與否，唔押韻嘅就當佢本身唔押韻，押韻嘅拎嚟用普通話讀睇下押唔押韻。唔押韻就話普通話垃圾，偏頗之至，莫過於此。

有啲字嘅音反而係普通話更接近古音。

幾十年前先生嘅生字係有sh音。普通話依家都有。

但係時至今日，粵語嘅sh音好多都變成s音，例如生(saang)。

所以唔好成日話粵語貼近宋唐古音，學術界已經知道大多數唐音嘅發音，既然係咁，不如我哋學下唐代嘅漢語？

有興趣嘅人不妨自己上網搵下啲廣韻資料，睇下啲古詩「最正宗」嘅讀法係點呀～

我就冇興趣喇。

我愛粵語只因為佢係我嘅母語，就算用唔到嚟讀唐詩我都咁愛。

作者：哲學仔

一條哲學廢青

閱讀後覺得好，請多多讚好及分享～：）