我冇咩同中國有接觸，我冇好似上一代人咁睇住電視直播，睇住報紙喺咁報嚟見證六四掛。你問我對我嚟講最記得最記得嘅，反而係有輪梁錦松偷步買車、沙士同埋推廿三條，然後五十萬人上街，再去到後尾阿董伯腳痛下台。今日大家喺度爭論「六唔六四」，又點點點點點，我心諗關我咩事呢？我知道咗鄰國發神經，我知道鄰國成班癲佬咪得，鄰國班人都覺得國家好經濟好就通通都可以忘掉嘅時候，我做咩要為佢哋擔心？