呢啲噉嘅天氣已經夠難頂架嘞，仲要係瞓覺嘅時候有蚊喎！一瞓醒周身痕，唔講以為自己生花柳。如果我要形容蚊嘅話，我會話蚊係超越瘟疫、屠殺、饑荒同死亡嘅天啟第五騎士，十九層地獄出逃嘅惡鬼邪靈，摧毀人類文明嘅送葬者。面對蚊呢種純粹惡意嘅生物，作為人類嘅我哋絕對唔可以放棄希望，要相信果個只有我哋能夠擁有、名為「可能性」嘅神。反抗啦人類！作為內容農場，我哋會傳授大家震驚百九幾億人嘅滅蚊神技——飛蚊殺絕十八式。