喺呢個世界上，有好多事，係我哋「不敢回憶」，亦係我哋「未敢忘記」嘅。 我哋未敢忘記，曾經有一班學生，極盡謙卑、舉住國旗，跪喺執政者嘅「門常關」前上書，乞求執政者能體恤民瘼，結果換來嘅，係坦克嘅無情鎮壓。 我哋未敢忘記，亦曾經有一批又一批嘅學生，一批又一批嘅年輕人，佢哋為左全社會嘅文明進步，佢哋佔領都會、大聲疾呼，面對暴政嘅國家武力但從不妥協，但換黎嘅，喺國家武力於黑夜最深嘅一刻，發出嘅幾聲槍響。 大家不妨估吓，我上面講緊嘅，係六四事件？定係遮打革命或初一事件？ 每個人心中嘅答案肯定各不相同，甚至乎各不相容。 但至少可以確定嘅係，每個答案所面對嘅，都係同一個敵人，甚至遲早會變成同一支軍隊。