主人,晚飯準備好了,要我八點鐘才提醒你吃飯嗎?

 

唔好話後數二百年,我地睇番一百年前既所謂工業革命之後所帶來既科技飛躍,已經夠晒不可思議。

其中最諷刺嘅就係,科技進步本來都係為左令到人既生活變得更美好。譬如當蒸汽火車開動果陣,就係想人類唔需要再依靠人力同埋可以打速貨物既流動,人就可以做少D野但係生產力就提升左。又例如啱啱互聯網嘅出現,甚至係電郵開始普及,亦都係類似既論調,就係:科技會令到人嘅工作快D完成,咁大家一方面又可以賺多左錢,另一方面又可以早D返屋企。所以唔好話一個星期只係返五日,返三日都得啦。

但係件事點解又要變成人既工作時間係科技既進步底下,反而變得愈黎愈長,而收入差距又變得愈黎愈巨大呢?如果要認真回答呢個問題,恐怕會相當艱深,所以我都係廢吹下就算喇。如果我去估,其中一個有關既因素,就係人既貪婪係無止境既,所以當掌握左一個新既技術之後,大家好快就會當左呢樣係普通野,於是就係呢個設計底下,開始衍生出新既工種同埋要求。

就好似依家有Google,大家就一定會俾老闆鬧,你呢樣野唔識做唔自己Google?如果你話去圖書館查書會徹底D,你一定就會被炒喇。而全世界都會assume 你識Google 既情況下派工作出黎既。於是本來無Google,又要OT;依家有Google,都要OT。我地更加唔好講,有D科技可能掌握係某D人手上,所以令到唔可以全世界都一樣咁幸福或者進步咁遙遠喇。

遲D有人工智能再飛躍D會點呢?講真我寧願如果可以,電腦殺晒D人類就最好。如果唔得,唔識AI既又要全部被炒向下做番D低技術工。而高技術果班同AI一齊,一定又要做更多俾依家難十倍既野,你唔駛OT?到時AI幫你買埋飯:

Sir, your dinner is ready, wanna set an alarm for you at 8? 到時我真係笑唔出。

 

作者:鵝鑾鼻燈塔

鵝鑾鼻燈塔
前高登講故人。現為廢中。努力抵抗中年危機中。FB PAGE:https://www.facebook.com/Ellan.Ou/

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 161140
Date: 2017-06-05 03:38:00
Generated at: 2021-09-18 18:58:57
Permalink: https://www.vjmedia.com.hk/articles/2017/06/05/161140/主人,晚飯準備好了,要我八點鐘才提醒你吃飯嗎