最諷刺嘅就係，科技進步本來都係為左令到人既生活變得更美好。譬如當蒸汽火車開動果陣，就係想人類唔需要再依靠人力同埋可以打速貨物既流動，人就可以做少Ｄ野但係生產力就提升左。又例如啱啱互聯網嘅出現，甚至係電郵開始普及，亦都係類似既論調，就係：科技會令到人嘅工作快Ｄ完成，咁大家一方面又可以賺多左錢，另一方面又可以早Ｄ返屋企。所以唔好話一個星期只係返五日，返三日都得啦。但係件事點解又要變成人既工作時間係科技既進步底下，反而變得愈黎愈長，而收入差距又變得愈黎愈巨大呢？