居港英籍少女坦然告訴你:「悼念六四?不了」

少女示意圖(你唔係諗住改得筆名用真人圖呀嘛?)

 

六四事件啱唔啱,我無咩意見,我唔評論:我從來相信主權高於人權,人權最大嘅作用係俾人喺無權嘅情況下abuse。呢個係頭盔。

你問我件事係點,我真係會話呢個係歷史嘅必然;你估関ヶ原の合戦真係咁有名份咩、你估戊辰戰爭真係咁有大義咩,你估辛亥革命真係咁偉大咩?Come on James,唔好咁天真嬌啦。為咗自己相信嘅嘢而付出一切、犧牲性命,有咩問題?決定鎮壓嘅、開槍嘅人有無代價,一定有。無成本無代價嘅嘢並唔存在於呢個世上,除非破罐破摔到幾大代價都無分別,反正都係俾唔起都計,咁就另一件事啦。

假如香港獨立係一個信念,你唔需要理由,你只需要信同埋做,唔需要因為英國不可信、唔需要因為中國殘暴不仁;如果有嗰啲嘅理由喺度,係咪就代表一旦中國變得仁慈,因為英國信得過,你就可以放棄呢個信念吖?如果係,對你嚟講,「香港獨立」,喺呢個case度繼續用返呢個例子先,並唔係一個信念,只係一種逃避。初戀女友話頭,解釋即係掩飾,唔解釋即係默認,唔知點解覺得喺呢個情景之下,真係有啲應景。

當年學生爭取嘅嘢啱唔啱?我對別國內政無咩意見,一如某國嘅處理一樣。但,只係好單純因為「我唔中意」呢四個字,就係要經濟封鎖某國,就係要排某國嘅人、全部唔俾入境、見一個殺一個,咁樣係咪唔得先?我覺得OK嫁喎,現實就係咁殘酷。

我悼念倫敦恐襲就話係應有之義啫。悼念六四?不了,有咩好悼喎~一嚟,別國內政啦;二嚟,又唔係我國嘅事件,又唔係我國死人。你唔通叫佛教徒「慶祝」耶穌受難日咩?Allahu akbar!

 

作者:砂糖雪(☆しゅがぁ雪♡)

砂糖雪(☆しゅがぁ雪♡)
汀瀅冰中結,砂糖雪裏埋。單純愛美愛腐愛幻想,自知殘存在凡塵俗世,沉溺虛構神話裏、迷途弱蟲迷宮中,困於弱水三千內顛倒夢想 - 神無月的凝視下,葬下零落的白色花瓣、綻放璀璨的戀色花火 - 明知是夢想,依然惜夢。FB :佐藤 栞

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 161198
Date: 2017-06-05 21:12:11
Generated at: 2022-09-28 15:11:22
Permalink: https://www.vjmedia.com.hk/articles/2017/06/05/161198/居港英籍少女坦然告訴你:「悼念六四?不了」