根據屯門區議會2016年11月1日會議有關紀錄（屯門區議會文件2016年第32號）顯示，房委會曾向屯門區議會匯報屯門公屋發展最新情況，三/四（東）西由2015年開始平整工程同道路工程，最初係打算起4,000個單位，容納12,000人；2017年5月，房委會又再入紙，打算放寬個西嘅地積比，令該位置可以起到5,200個單位，容納達13,000人。成個屯門第54區嘅公屋計劃初步已經預計容納28,600人，仲未計4A（南）地盤會有1,000個單位，將會喺2020年代中期落成，另外仲加有700個可能係居屋嘅單位會起。咁搞法，雖然唔敢話旺過旺角，但呢個地方仲適唔適合靜養呢？