我係一隻曱甴，我真係好葡萄啲白鷺。
點解我唔可以安安份份咁有一個家。我平時自己係啲影響唔到人嘅地方，好似暗渠、天井、或者係你屋企嘅廚房暗角、洗手盆個啲地方起個竇。唔似得啲白鷺咁就算係啲人頭頂築巢，屙晒啲屎係地下度甚至痾落杯啱啱買落嘅雪糕上面都無人怪佢哋，而我哋啲屎就算冇味只係黑色一點點影響遠遠不及白鷺，人類永遠會想盡辦法去殺死我哋趕走我哋。
明明人類搶走我哋嘅地方，而家仲要genocide咁款，日日係唔同媒體宣傳點樣消滅我哋嘅族群。Did you ever know how much we paid to survive?我哋嘅祖先係恐龍時代已經出現，人類個陣連精蟲都未有啊。我哋經歷過無數嘅災難都可以生存到而家，點解我哋唔配有一個家。白鷺呢種候鳥都只係過客，佢哋都可以擁有成片樹林。只係斬少少樹枝啲人類已經鬼殺咁嘈，屌你又唔見你踩我哋啲同類個陣咁大愛？
講到ecosystem，曱甴係成個生態系統擔當重要嘅角色，特別係nutrient recycling方面[1]，好多植物都係靠曱甴吸收營養。睇返啲白鷺，對環境嘅貢獻無乜人研究過，但係又點呀，佢哋可愛吖嘛。可愛就係王道，就可以推到天上有地上無咁，講到對生態平衡有幾大貢獻咁。但係真正有貢獻嘅生物你哋就會因為佢外貌唔討好而厭惡佢哋。
你哋講到白鷺屎可以避走第二條路或者話人on9擔遮就得，你有冇去現場睇過，成條上山嘅路都係白色架，臭到連我哋嘅同類都唔敢行埋去，你哋唔會行就可以企道德高地叫人避姐，日日行過啲點算。我哋都未做到成條路都霸晒啦咪又係想殺死晒我哋。
所以話人類真係事不關己嘅時候真係好偽善，平時就眾生平等，整到你就格殺勿論。
[1]Bell et al., Integr Comp Biol, 2008; 48(4): 541-3
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2017年6月8日
