阿欣遞左粒藥丸比我。我當然知道唔係藥丸咁簡單，但係我都吞左落口，我想揾番個時既感覺。然而，無論食幾多粒，我都係揾唔番初戀既感覺。我同阿欣為左保持新鮮感，開始愈食愈多，勉強維持到愛情。因為我同佢都知道，無左藥丸，我地一定會散，要維持段關係唯有食落去。
雖然此等排華的情形在澳洲等其他國家婁見不鮮，但因加拿大是奉行多種族文化主義(Multiculturalism)的國家，所以對涉及種族歧視的事件格外關注。婦人某程度上的觀點是錯誤的，因為加拿大憲法是沒有明文規定去強制要求除政府公職以外的僱員通曉任何一種官方語言的。而且法文也是官方語言之一，所以理論上在加拿大沒有強制學習或要求通曉英文的規定，尤其在魁北克省(Quebec)法語區。
如果只剩番幾舊餸頭餸尾，這時候同枱食飯中必定有人會講：「搵人食埋佢啦，唔好嘥野食」。不知何解，同枱的女仕，不論燕瘦環肥，一句節食就有免食金牌。在半推半就底下，這個「掃食者」者重任，永遠總是落在男仕身上。其實大家有冇諗過，食咗落肚，並不等於冇嘥到野食，其實食與唔食，一樣都係嘥。食野，點為之唔嘥呢？食的功用主要有兩個，其一為攝取營養，其二為滿足口腹之慾。只要乎合其一個功用，食野就不謂之嘥。
如果你唔係太識IU係邊個，可以介紹返，佢係韓國唱作女歌手。佢嘅歌，你係Youtube打佢個名，我都幾夠膽講求其篤一首都唔會話難聽。我相信大部份人識佢，都係因為佢嘅成名作《Good_Day》（包括我），後段令人津津樂道嘅「三段高音」，基本上當時每次現場演唱，觀眾都係期待佢唱「三段高音」。《Good_Day》為IU帶黎一切，令佢紅遍亞洲，但亦某程度成為左佢嘅包袱，先唔好講佢自己唱到厭，樂迷之後又會期待佢嘅新歌都係呢類show唱功嘅大歌，忘記嗰個可以彈住結他，好溫柔咁cover《Gee》同《Sorry_Sorry》嘅佢，忘記左佢嘅多樣同多變。
煮唔煮熟隻牛會影響到隻牛嘅生與死，唔煮熟佢就會生存，煮熟佢就會死亡，一個簡單嘅二元情況。但係若果加入「整體」同「部分」嘅概念，件事就開始奇怪喇。幻想宜家有個重口味痴線佬吊起隻牛牛，用火烤熟隻牛嘅一細忽肉，然後切出嚟食，之後幫隻牛包紮等佢生返新嘅肉直至原好如初，再如事者不斷重復。噉隻牛係會繼續生存，而且隻牛被烤熟嘅總質量就會不斷上升。
與其他阿拉伯國家不同，阿曼既非什葉亦非遜尼，而是屬於伊巴德派（Ibadi）（見下圖）。雖然號稱伊斯蘭第三大教派，但人口遠比兩大派為少，大部分居於阿曼，而在非洲的阿爾及利亞、利比亞、突尼西亞和坦桑尼亞的桑給巴爾，以及南亞的馬爾代夫，亦有一些伊巴德的小社群。眾所週知，三派的分歧源自對伊斯蘭創立者穆罕默德繼任人的認受。遜尼派奉穆罕默德的四大弟子伯克爾、歐瑪爾、奧斯曼、阿里等四任哈里發為正統；伊巴德派承認首兩任的地位；而什葉派則獨尊被認為與穆罕默德最為親近的堂弟阿里。認受之爭逐漸衍生為對教義的詮釋歧異和對宗教領袖的條件取向，無可避免轉化成大規模的權位之爭*。
「你讀咩架？」「心理學」「嘩，好勁呀！我都好想讀心理學呀！ 咦？ 咁你係咪知我諗緊乜呀？」多謝TBB，令心理學被神化為一門「讀心術」。容許我重申一次，除非你有特異功能，否則心理學絕對不會令你學會看穿他人的想法。心理學主要以科學的方法去研究及解釋人們的思想、行為和情緒。所以，當大家滿腔熱誠選修心理學後，就會驚覺大學的生涯全是不停地背誦一大堆學者的姓名、心理學理論、術語，以及實驗的研究方法和結論。以為背個半死惡夢就會完結？少年，你真的太年輕了。
有一次又係我同阿媽都喺屋企，嗰輪我狀態好差，好憎個世界。覺得啲鑽鑽鑽聲係鑽緊入我個腦。卒之我忍唔住喺阿媽面前喊出嚟，然後咆哮，然後撞自己個頭埋檯。撞到第三下之後，我阿媽用一個「你想我點」嘅語氣講：「你唔好咁樣得唔得呀？！」《一念無明》中，有一幕曾志偉一返屋企，見到余文樂望住個電視係咁喊，同余文樂講咗一句：「你可唔可以正常少少呀？」呢一幕我睇嘅時候喊到成頸都係水。
本週出現了兩起有關澳門學生與中國關係的新聞：首先在星期二，《澳門日報》以一頁頭版的篇幅，報導在對全澳十多間中學學生的調查當中，肯定自己中國人身份的認同高達72%。在今天星期四，教青局代表在電台節目《澳門講場》當中，「宣佈」了其會依香港「普教中」的經驗，於澳門中學推動普教中教育。澳門政府表面上的政治意圖，固然是打算把澳門人的「中國性」透過語言的媒介而加強，但此一基本上可稱為「躁進」的殖民政策，反映的卻只是澳門政府為了表忠而犠牲政治效果的過程（如果假設其非中國政府的意志的話）。
