有一次又係我同阿媽都喺屋企，嗰輪我狀態好差，好憎個世界。覺得啲鑽鑽鑽聲係鑽緊入我個腦。卒之我忍唔住喺阿媽面前喊出嚟，然後咆哮，然後撞自己個頭埋檯。撞到第三下之後，我阿媽用一個「你想我點」嘅語氣講：「你唔好咁樣得唔得呀？！」《一念無明》中，有一幕曾志偉一返屋企，見到余文樂望住個電視係咁喊，同余文樂講咗一句：「你可唔可以正常少少呀？」呢一幕我睇嘅時候喊到成頸都係水。