如果你唔係太識IU係邊個，可以介紹返，佢係韓國唱作女歌手。佢嘅歌，你係Youtube打佢個名，我都幾夠膽講求其篤一首都唔會話難聽。我相信大部份人識佢，都係因為佢嘅成名作《Good_Day》（包括我），後段令人津津樂道嘅「三段高音」，基本上當時每次現場演唱，觀眾都係期待佢唱「三段高音」。《Good_Day》為IU帶黎一切，令佢紅遍亞洲，但亦某程度成為左佢嘅包袱，先唔好講佢自己唱到厭，樂迷之後又會期待佢嘅新歌都係呢類show唱功嘅大歌，忘記嗰個可以彈住結他，好溫柔咁cover《Gee》同《Sorry_Sorry》嘅佢，忘記左佢嘅多樣同多變。