王維基的光環到此為止

政治 / 最新文章綜覽

 

 

王維基接受《信報》訪問稱,從沒後悔所作的每一個決定,認為香港仍是一個很好、自由的地方。他又寄語年輕人不要只懂抱怨上位、上車難,要做好準備、儲錢、發奮,「因為未ready而去投訴社會唔畀機會,我唔係好贊成呢種態度。」

訪問中王維基講到時下年輕人只懂埋怨,而不做好準備。「Package Lau」上身的他表示,不同意年輕人難上位、難上車的說法,「好慳都買唔到樓,你先同我講啦」。他認為就算樓價跌三、四成,很多年輕人都上不到車,因為他們「根本冇儲蓄,我係藐視好多年輕人,攞咗呢個藉口去放棄自己」。

多謝 Wiki Wong 提供潮文,見佢屌後生仔屌得咁起勁,在下不才,借題發揮:

爽健接受《輔仁媒體》訪問稱,從沒後悔所作的每一個決定,認為香港仍是一個很好、自由的地方。他又寄語中年人不要只懂抱怨開電視台、攪網購難,要做好準備、儲錢、發奮,「因為未ready而去投訴社會唔畀機會,我唔係好贊成呢種態度。」

訪問中爽健講到時下中年人只懂埋怨,而不做好準備。「Package Lau」上身的他表示,不同意中年人難轉行、難營商的說法,「好慳都賺唔到錢,你先同我講啦」。他認為就算租金跌三、四成,很多中年人包括王維基還是生意失敗,因為他們「根本冇腦,我係藐視好多中年人,攞咗呢個藉口去放棄自己」。

喂阿維基哥,就算你家陣住喺天空之城,都咪咁離地啦唔該——2016大學畢業生入息中位數竟然同廿年前雷同,但樓價由兩三千蚊呎翻到乜柒樓都一萬蚊呎以上基本消費,一間折墮百五呎蚊房隨時鎖死一位年輕人的財力大半世,「住」明明只是生存基本需要之一,對唔想靠父幹母幹俾人幹嘅香港後生仔來說竟然是奢望,由王維基呢種身家豐厚嘅富翁屌年輕人「唔儲錢所以買唔到樓所以抵撚死」,哈哈,晉惠帝和瑪莉皇后又怎會寂寞呢?

王維基呢位曾經的殺價超人,當年雄心壯志推翻老屎窿,革舊世界命的電訊魔童,他的魔性和志氣早就過期了,人生可悲的是今日的我打倒昨日的我,維基此人位已上業已建,成為既得利益者,心就腐敗了,他今日呢副既不了解又蔑視年輕人的嘴臉,假如廿年前的王某巧遇廿年後的自己,我想他應該會馬上打柒未來嘅自己一身。

老實說每個時代的年輕人都有各自的困境和苦況,今日後生仔面對緊呢個住不起不起嘅荒謬世界,正是上一兩代人透支後人財富留下來的爛攤子,王維基之流唔曉講公道說話也罷了,正是這種要獎金又要獎品的無恥中老年人佔了便宜還口誅筆伐後生仔,才令「廢中廢老」這些形容詞變得多麼的合理。

在下替幫緊王維基打工的 HKTVMALL 員工唏噓——有這種昧於時代揞住良心亂講嘢的老闆,貴公司根本不需要敵人。

 

作者:爽健

爽健
不求聞達於諸侯,只願笑傲賞江湖。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 162976
Date: 2017-06-28 03:16:23
Generated at: 2021-10-28 02:59:11
Permalink: https://www.vjmedia.com.hk/articles/2017/06/28/162976/王維基的光環到此為止