今日舞廳唔夠人用,阿妹妳幫幫手陪飲就夠,唔駛出街和上床,乾淨舒服錢

 

一夜總會的舞小姐全部大專學歷以上,恩客不解,夜店東主曰他從來不需直接請舞小姐,他的招聘廣告只請女文員,應徵的女孩全部都是真·寫字樓工作,直至他開始要再教育這些良家婦女。

他會藉口「今日舞廳唔夠人用,阿妹妳幫幫手陪飲就夠,唔駛出街和上床,乾淨舒服錢,我會出多啲糧俾妳」,阿文員妹妹不虞有詐就照老闆意思做,一次生兩次熟,漸漸她發覺陪飲陪食易搵錢過死做爛做文員仔好多。

價值觀就似醬缸,近朱者赤,呢種人人花天酒地嘅舒服錢很快便影響了女孩,漸漸她聽到願意腿張開同伴如何搵「更舒服嘅錢」,原來只有妳肯跟男人睡,搵嘅快錢更快也更易,同樣也是返工,陪睡比陪喝更划算,她曾經的底線已經敵不過褪下來的底褲。

再來多場一次生兩次熟,反正一件污兩件穢,漸漸復漸漸⋯⋯想當初她只想搵舒服錢做簡單嘢的工作,已經背棄了理想誰人都可以,老闆目的也達到了——又一件新鮮乾淨嫩口高學歷貨色上架,迫良為娼?唔駛迫嘅,有乜嘢好得過自願為娼呢?夜店老闆既有銀紙亦有面子,Right?

「漸漸」的力量,可使黑變白,荒謬變尋常,新常態取代舊常態,反智取代常識,鳩噏取代邏輯,公安取代警察,專制取代制度,行騙長官取代港督,人治取代法治⋯⋯有曰溫水煮蛙,其實溫水也可煮人,餚足廿年,許多香港人的人格都被燉成漿糊了。

 

作者:爽健

爽健
不求聞達於諸侯,只願笑傲賞江湖。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 163336
Date: 2017-07-02 19:21:22
Generated at: 2021-10-21 06:53:42
Permalink: https://www.vjmedia.com.hk/articles/2017/07/02/163336/今日舞廳唔夠人用,阿妹妳幫幫手陪飲就夠,唔駛