溝女專家?!邊撚度溝到女呀?睇過?!

 

男人溝唔溝到女睇三樣野,睇樣、睇把口、睇身家。

所謂睇樣就唔係淨係講個樣,咁靚仔大撚哂啦!(其實真係!)而係整個外觀,以至你嘅行為舉止俾人嘅型像。條友點都唔撚算靚仔嫁啦!咁人靠衣裝嘅,睇下佢個造型,好人好姐著件紅色格仔西裝褸做乜姐?你學人玩英倫風定玩punk?你又唔係!仲要件裇衫又紅鈕又紅色繡花,加埋對紅鞋!佢唔講我真係以為佢係熱烈歡迎習總來港呀!仲有條牛仔褲d洗水cheap到好似花園街會買到嗰d,求其一個地盤佬著緊嗰條都靚過佢啦!幾靚仔著呢套衫都會覺得佢bad taste啦!

睇佢舉止,佢同人講野d眼神閃閃縮縮,一睇就知以前係毒撚一名(而家只係扮唔係。)講野嘴歪歪,唔知係天生定點,但加埋個樣,真係雖無過犯,面目可憎。

睇把口,唔係睇佢個歪嘴,係睇佢談吐。你睇佢一走過去就cheers,就係充滿自信嘅表現,我唔係話唔得,但靚仔先得囉~然後佢話今日個「二van」呀!英文唔好唔緊要,但無人叫你除鞋show對穿洞襪出黎囉!聽到呢度已經覺得條友成個柒字寫喺額頭。佢話個女仔係媒其實ok嫁,只不過要加句「我以為你係媒添,你咁靚女」可能娘左d,但你一讚個女仔靚,佢就一定會笑,氹到女仔笑,溝女就成功左一半。但呢條友最多就得到女仔恥笑,成段對話就係show到佢好自我,猛講自己野(仲要一聽就係9作!)整體黎講就係過份自信,而毒撚最忌就係有自信!仲教人溝model?!毛都無得佢溝啦!

我真係俾面睇埋佢身家!條友話一個月60個學生,一個月賺60萬,我又覺得唔係無可能,因為香港真係好多on9~加上佢無樣又無口才,咁都仲溝到女嘅話,我只可以相信佢係有錢囉!

睇埋佢個blog!!仲正!

 

 

作者:何夢

何夢
大學畢業後無業幾年,自稱專業廢青。而家塭到正職,決定疊埋心水全力邁向廢中之路。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 163415
Date: 2017-07-03 20:40:18
Generated at: 2020-07-10 17:38:18
Permalink: https://www.vjmedia.com.hk/articles/2017/07/03/163415/溝女專家?!邊撚度溝到女呀?睇過?!