每次去旅行,就好似同香港鬧分手咁。到最後,你又會唔捨得佢。

 

 

每次去旅行就好似外遇咁,每次都會好期待去識一個新既對象(新地方),每次頭幾日都會好享受新對象帶比你果種新奇、有趣、激情同發現神秘。之後你就會開始諗香港呢個你住緊嘅地方,幾唔適合人住。會不斷諗起佢嘅缺點、佢對你幾咁過份。但去到尾一兩日。你突然會帶點難過要離開,但突然又會好掛住香港呢個地方。食食下日本嘅和食,你竟然係腦海飛過叉燒飯﹔搭搭下泰國嘅搶錢的士,突然好掛住香港啲仆街DC9。就好似啲仆街磁石咁,無論個男人幾衰,你都會唔知點解鐘意佢。有時會諗,究竟自己係鐘意佢之後佢變仆街,定自己本身就係鐘意仆街。

去旅行頭幾日,你會好鐘意一個新嘅地方,因為每一次你轉彎,每一次你回頭,你都係睇緊一樣新嘅事物。一個地方,岩岩黎嘅時候,就好似你同你對象頭幾次約會咁,佢總會比你最好嘅一面比你睇。而你,就因為佢帶比你嘅衝擊,開始墜入左愛河。由你到埗一刻,每行一步,都係新奇,都係驚喜。你會開始比較呢度同香港嘅分別,你會開始由人的態度,到食野嘅口味。開始批評自己係香港遇到嘅人同事,面對住嘅不公平同委屈。去日本你會覺得,點解香港會周地垃圾、點解你遇到嘅每一個人都閪口閪面,你永遠行係條街到,都感受住每分每秒嘅煩燥同不安。有時番到屋企打開電視,又要睇TVB妖言惑眾,不分對錯不斷批評後生仔,每日都有新嘅控制,每日睇新聞就好似比人強姦咁,每日都會慨嘆點解,點解生活係香港咁慘?諗到呢到,你番到酒店,繼續享受呢個新地方,繼續珍惜你係呢度每一分每一秒。

食左幾日和食,行左幾日街,你會開始諗,其實當地人係點樣生活嘅呢?你會慢慢去研究你身邊嘅當地人,你會慢慢開始研究呢個地方。之後,你就會好似同情人相處耐左咁,慢慢發現佢收埋係你背後嘅缺點。原來係佢面前咁乾淨整潔嘅佢,背後竟然有個醉酒佬周圍係街邊柯尿。你隻手岩岩拎住食完嘅章魚燒,第二秒就諗,冇垃圾桶點掉?你開始會埋怨.,點解當地會諸多規舉。食食下野,你會突然諗點解好地地一個湯面,點解個湯底係甜嘅。點解佢所有野都係都好似落咁多糖。其實會唔會食到有糖尿?慢慢你會開始掛住香港,會開始諗,雖然佢對你係衰啲,但係其實佢都好好呀。起碼,你地係生活上會夾啲先。

雖然,香港係對你衰D。你生活係慘D。但係,你係呢度,有一班朋友陪你生存,陪你玩,陪你唔開心。你打開電視係見到好多廢老,但起碼你呢一刻仲可以攸好多野去還擊。打工係好辛苦,但起碼你仲儲到錢去旅行。起碼你呢一刻唔離開,都仲有機會去贏。我地一走左,香港,就唔會再係香港。我地,就再唔會有第二個香港做我地嘅屋企。加油。

 

 

作者:歷史系小賤貨的日常

歷史系小賤貨的日常
筆者集GAY佬、賤貨、劣筆、廢青於一身。如文章有害,概不負責。

閱讀後覺得好,請多多讚好及分享~:)

其他熱門文章

  • 【遊戲介紹】耍帥動作射擊遊戲 《Gungrave G.O.R.E》無限子彈變型棺材爽爆殺敵 by 五木
    主打耍帥和爽爆的動作遊戲,除了《Devil May Cry》外,還有另一個系列《Gungrave》(銃神)。新 […]…
  • 講起「蔡康年」,你諗起乜野? by 齋老味
    曾經係當紅DJ,因為施念慈報警話俾佢打,立即被貶為人渣,無得做DJ走曬樣,從此淪為TVB專用低能或變態角色。近年因為有高清台,無記多咗財經節目,先知佢原來而家係財經主持。…
  • 【憂傷的嫖客】「環保吹」 by 菠蘿
    某天下午,就在我們對一樓一場所集中地進行實地考察的時候,遇見了一行三人、正在「洗樓」的嫖客小隊。所謂洗樓,就是嫖客在一樓一鳳姐集中的大厦,向每個鳳姐單位門口按鐘、逐個審視,直至他們遇上合眼緣的鳳姐,與她們進行交易為止。而這三人有別於一般的嫖…
  • 「𠒇」字係咩嚟?——港姐冠軍帶出嘅哲學問題 by 散彈一號
    試想象下,喺未有電腦嘅年代,如果你見到某張手寫嘅form上面,有人寫自己個名係「陳曼𠒇」咁啦。你會唔會即刻覺得自己唔識讀呢隻字,即刻走去查字典睇下個字點讀? 應該唔會掛。你第一個反應,可能會心諗:「嘩,呢個人寫個『兒』字寫得咁樣衰嘅。」…
  • 解構精神心理治療——輔導個案概念化(Case conceptualization) by 西多士
    如果問大家對「輔導」一詞想起甚麼?可能會聯想到精神疾病,情緒困擾,婚姻問題,家庭暴力等。其實,「輔導」並不如有些人想得這般負面的。先說說「輔導心理學(counselling_psychology)」吧。!它是「應用心理學(applied_p…
  • 《鋼鍊》「等價交換」根本不是真理 by 方潤
    很多人提及《鋼》,都是提及等價交換原理,甚至以為《鋼》就是教人等價交換,其實是大謬。因為《鋼》的每一集都有這段開場白,由主角兩兄弟讀出:「人不作出犧牲,就不會得到任何回報,想得到一樣東西,就必須付出同等的代價。這就是煉金術的基本原則 - 「…
歡迎讚好我們的facebook page,免費資訊源源送上。

文章資訊

ID: 163441
Date: 2017-07-03 22:33:59
Generated at: 2022-12-01 18:15:05
Permalink: https://www.vjmedia.com.hk/articles/2017/07/03/163441/每次去旅行,就好似同香港鬧分手咁。到最後,你