【媾女真係要學?!】14項你應該注意的事情

 

某部份人黎講,要!但唔需要畀錢囉。

學海無涯,媾女可以算係一門學問。之但係值唔值得花$12000學4堂呢我個人認為唔值得,太貴喇。

首先如果係d非處女不娶呀,王晶癡心情長劍呀咁你可以出返去,繼續係現實世界碰運氣。因為就算你有幾懂得媾女都好,你地target死一個目標咁識d咩要訣都係無用武之地#bye#

係媾女之前,首先就係調整自己既心態。

1. 唔好死追某一位 (自己search:蘇格拉底、愛情)
2. 明白咩係適當時候,無人叫你守株待兔,但至少要識揀適當時機。
3. 唔好同一時間媾幾個,除非係係隔絕既平台。舉例你係FB同時flirt幾個,畀人印象係會好差。
4. 低調、低調、低調。無人會100%成功,承認自己失敗既同時,唔好畀太多人知你成日失敗。
5. 個人認為幽默感唔係天生,但幽默感係必須。要學幽默真係要多d睇喜劇、幽默既文章,好好掌握幽默感。同時唔好係社交平台測試自己幽默感,因為你以為好好笑但條女隔住個moon唔係咁諗。幽默應該係日常生活到練習。
6. 內涵。當你天南地北咩都可以接得上口,自然無往而不利。記住係先投其所好,等對方對你有好感先再分享自以為獨特既世界。先取悅人然後先吸引人。唔識既野千祈咪亂講,返屋企google或者問朋友下次再搭嘴啦。記住柒左係返唔到轉頭㗎。
7. 止蝕。唔係講錢係講時間,當你花上一段時間都無收穫就唔好死纏。話唔定過幾年突然有機會。
8. 太過冒犯既說話千祈咪當玩笑咁講,戇鳩同有趣係好模糊既。
9. 除非你有一個好獨特鮮明既形象,如果唔係盡量少講賤野、粗俗野,做一個平凡人。平凡既人最易接近人。唔駛擔心,到你做左佢bf佢就會慢慢接受你口賤lol
10. 觀察。任何行動前都要觀察,了解下佢係咩性格。
11. 謀定而後動,而唔係輕舉妄動,一股蠻勁唔係無用,但你始終唔係非洲草原既雄獅。
12. 打扮。承上,平凡既人最難出錯,係街睇下同自己身形外貌相似又著得得體既人,照抄,唔會死錯人。(話抄人無個性既人我無言以對,你要「個性」定要「性」??何必標奇立異?)
13. 如果太多仔爭條女,next啦唔好徙時間。依家唔係過澳門玩百家樂湊熱鬧嘛,成班人圍住幾時輪到你摸……牌。
14. 咪係社混界媾女! 你可以參與政治活動,但政治並唔係人生既全部。d政治組織囡囡多數好癲。教徒會將一生奉獻畀神;社運女會將所有奉獻畀政黨。分分鐘仲要你課金添!

以上只係初階,但做得好已經好得心應手。咩心理學、偷心、心計呢d根本唔需要用,殺雞焉用牛刀? 要媾一條女簡簡單單(看似)幾樣野就足夠,唔需要畀錢學做情聖,況且做情聖要睇天資,唔係果科你畀$1200000都無用。

 

 

作者:犁牛

犁牛
80後,著老西呃飯食既9upper FB page:http://www.facebook.com/mudcow2

閱讀後覺得好,請多多讚好及分享~:)

其他熱門文章

  • 【BNT-020】為保住工作的女生注射了疫苗 by 柚希
    她解開襯衫最上的兩粒鈕扣,輕輕的向左邊拉下襯衫露出少部分的黑色胸罩跟小麥色的肌膚,教男護士呑了呑口水。「消毒完喇,會有少少痛,忍一忍吓。」「嗯。」Jess緊閉眼睛,憶起工作上的瑣碎事情嘗試分散注意力。「打完架喇,小姐你去休息區坐到紙仔上嘅時…
  • 【遊戲介紹】開放世界生存動作 《V Rising》多人連線與好友重建吸血鬼王國 by 五木
      「我不做人啦!JoJo!」呢句名台詞令人類開始嚮往做吸血鬼,早排進行搶先體驗嘅新作《V Risi […]…
  • 18年後再次見到中國人,佢露出巨龍打招呼 by 薰華
    首先,我哋要了解下秦漢時嘅人係點坐嘅先。今日我哋會坐喺櫈上面,其實係胡人帶嚟嘅文化嚟,早期華人嘅正式坐姿,就係今日日本人嘅「正坐」,係坐喺地上面嘅,而呢種坐法,冇練過嘅話我真係寧願唔坐。…
  • 自己嚇自己事件簿 by 小盛女
    「架車有無開到左搖右擺先?車速如何?條路係咪好窄?呢度係咪交通黑點?要用理性去分析你擔心緊嘅事會發生嘅機率,然後你就會發現其實只係自己過份擔心,杞人憂天啫。」…
  • 老師話同性戀唔啱,應該點答返佢? by 外賣仔
    如果一個「老師」話同性戀唔啱,你哋拍拖係錯嘅,千祈唔好諗住抗衡話同性戀無嘢先,因為呢個「老師」已經預設咗呢條問題,佢啱,但你錯。呢個時候你要先更正佢條問題先,記住,係更正佢條問題先,因為你面對緊嘅對手其實係一個白痴同埋低能嚟嘅,根本對同性戀…
  • 《彼岸島》絕對是我人生中看的其中一套最令我無言的漫畫。 by 鵝鑾鼻燈塔
    如果你沒有看過,恭喜你,你的人生是完全沒有任何損失的。這種比狗血更狗血的劇情,永無休止又不斷無限loop的橋段,看了也想把自己雙眼也插盲。簡單來說,主角不論做了甚麼,也無法打死早已不死的吸血鬼之王,只能眼看自己的同伴一個又一個的死去(有時甚…
歡迎讚好我們的facebook page,免費資訊源源送上。

文章資訊

ID: 163511
Date: 2017-07-04 15:10:55
Generated at: 2022-05-24 01:48:01
Permalink: https://www.vjmedia.com.hk/articles/2017/07/04/163511/【媾女真係要學?!】14項你應該注意的事情