【讀Asso?】條路自己揀,仆街唔好喊

 

我係一個DSE Loser,一直讀書都唔叻,唔勤力,求鳩其升到班就算數。但我份人好矛盾,一直唔想比人睇死。就算升中學升唔到英中,我都要叩門去讀。衰好命,又比我叩到。到公開試時侯,我仲係唔識死。聖誕節個時個個人已經背好哂書,但我連past paper都未操。到放榜個日,預料之內,17分,一D失望同傷心都無。得三條路比我揀,a) 讀OU/樹記/恆大(不了,認受性咁低),b) Asso/HD(asshole 仔?),c) retake/repeat(無自律嘅人千其唔好揀)。我揀左asso依條路,點解?我都唔知點解。

我有一個比我叻嘅家姐,由細到大,我都係比落去。我永遠企係佢隔離都好似個毒撚。屋企人永遠將我無視,就算我講D咩,都who fucking cares。當我讀asso 個時,依個情況更嚴重。曾經有親戚同我講,係有asso升上U 嘅例子,但唔係你囉。我聽到之後係好唔開心,潑左成盆冷水落黎。係asso依段時間,我曾經好迷失,好驚有free rider,好驚升唔返上U,更加驚嘅係,永遠抬唔起頭做人。曾經我好天真諗,升唔到大學,no big deal,行行出狀元呀。好似幾好聽呀呵?咪撚玩啦五寶,依D說話只係比失敗嘅人圍爐打飛機炸。打開Jobsdb,除非係D專科啦,如果唔係,份份工requirement 都係high diploma or above。想入大公司呀?過主啦,degree or above呀。個社會同你講讀大學只不過係入場劵黎架炸。親戚聽到你讀asso,就會問,咁你讀完asso兩年之後點呀?我話:gpa 好嘅話咪升返上U囉。講完之後,佢地用好疑惑嘅眼神望住我,就憑你?END topic。係呀,有咩講呀?同你依D ASSO仔講野簡直浪費時間。

係asso 依段時間,係好大壓力。見住D中同上莊熱血青春博盡無悔,自己就日日係到chur asssisgnment ,chur midterm,chur project。邊有心情dem beat呀。記得sem 3個時,日日摺拉把。有晚摺完拉返屋企食飯,食食下飯,D眼淚流哂出黎,自己控制唔到。未試過咁,未試過因為學業問題而喊。個幾個月長期躁底,係街見到D廢老阻撚住條路,個人就會著哂火,屌返佢地幾獲先安落。亦會無啦啦喊,個時幾驚自己跳樓,一死以謝天華。最後,so far係asso生涯攞左3個ugc offer,塞撚住姨媽姑姐把閪口。

最後,我想講嘅係,條路自己揀,仆街唔好喊。最初你揀嘅路,就算一條爛路都好,記住唔好放棄。係呀,老生常談。中六學生,即係差唔多18歲啦,為自己嘅抉擇負責任。

「回首向來蕭瑟處,也無風雨也無晴」兩年後睇返18歲嘅自己,公開試只不過係芝麻綠豆小事。完!

 

關於作者:一二一二

阿sir 做野唔洗你教

我有回應

則留言

閱讀後覺得好,請多多讚好及分享~:)

其他熱門文章

  • Ansheles 可能係最成功的ViuTV 藝人 by Terence Yun
    當一個演藝人以他的個人身份做一個節目,其實已經算是成功了,看看那個《返歸啦俄仔》便是為他度身訂造。當然世界盃在俄羅斯是其中一個理由,但是如果他不是一個好藝人,電視台也不會特意做他,所以說明他是有其能耐。而他亦很稱職,他能夠搞笑、反應又快,他…
  • 條仔明明HIV+ 但呃人無事,仲公然中出係咩玩法? by 清風
    G 本身都唔係一個會周圍玩嘅人。佢好小心,但佢同我一樣都係一個用情極深嘅人。我好好彩,只係分手,冇撚左段感情同埋大阪來回機票;但 G 佢冇左男友,亦俾男友背叛左自己條命 。我相信呢個世界上有唔少人都有足夠嘅性知識去預防疾病,但原來,即使你唔…
  • 我女朋友有個孖生姐妹 by 毛言地
    冇錯,我女朋友係有個孖生姐妹,係似樣到齋望個樣我都未必分得出——但我冇孖生兄弟嘛,我女朋友會認得出我。雖然佢地的確成日出街,雖然我拍拖有時都會變三人行,但邊個見到我會飛撲埋嚟,邊個見到我淨係會笑笑口打個招呼我會睇到嘅,咁都唔知邊個係你女朋友…
  • 中出即飛 by 堂前燕
    每次扑野之前,總要說一輪甜言蜜語,慢慢地連她都不相信,自己竟然有點相信他了,終於有一次,他中出了她。當初,女孩將他當成是SP,當然除了性愛,他也會盡sugar_daddy的責任給她買名牌和iPhone,但無可否認,對於初經人道的她來說,他的…
  • 拍拖愈耐,男人愈懶 by 小盛女
    仲記得曖昧期嘅時候,阿Mike會帶我周圍去食好西,法國餐廳、日本居酒屋、地道大排檔,次次新款,拍咗拖之後佢就話食咩都無所謂,你諗啦你熟啲,一齊咁耐有幾多次係佢搵餐廳同我去試?一隻手數得晒。我唔係期望次次都係佢搵,但係十次有一次都唔會好過份掛…
歡迎讚好我們的facebook page,免費資訊源源送上。