女神班姊妹,先係阻住你追佢嘅關鍵!

 

最近見大家講追女仔(溝女),不外乎會講到呢幾樣野:「到底應該用咩開場白?」 「到底應該點樣做?」「到底應唔應該投其所好?」等等看似好容易但實際上超級講技巧既野。

不過大家放心,我唔會跟風講上面果幾樣野,反而今日我同大家講下「第三者」呢個足以影響所有野既「關鍵」。其實第三者呢個存在好似一把雙面刀咁,好既可以幫你追到女仔「事半功倍」,唔好既就將你所有BUILD UP出黎既野一次過全部「一舖清袋無仇報」。可能你會問我男性第三者定女性第三者「影響力」大D??? 我話你聽女性第三者,即係你對象既so called朋友/姊妹/三姑六婆。

男性情敵其實睇上去好似好難搞,但實際上係睇個女仔鍾意你同佢多D,只係睇佢點樣揀。當然啦,如果閣下係好似筆者我呢D窮到燶宅男,而對手係D有錢仔有車又有樓,除非個女仔好鍾意你亦唔受呢D物質上既「引誘」,如果唔係9成9都係瓜多過菜俾人「技術性擊倒」。而女性第三者就係超級難搞既「對手」,普遍黎講女性既感性面比理性面高,所以好多時呢D 朋友/姊妹 講既野絕對影響你追女仔既成敗…

「Michelle, 呢個Chris好似好花弗咁喎?」
「係咩?點解咁講呢?」
「你睇下佢facebook,之前同咁多靚女合照,唔花弗又點會撩到咁多女合照呢?」
「下….無關係既我諗?」
「拿!Nancy就講得啱啦,你諗下喎咁多交流又影到咁貼身,唔好唔記得阿Chris佢係大老板個仔黎…點會搵唔到女埋身?分分鐘玩完就唔理你架,你諗真d啊?」
「連Yuki你都咁講?咁….」
「計我話呢就咁咁咁(下刪幾百字)…………睇定先唔好咁快應承住」

「阿魚,其實你覺得呢個阿Joe點啊?」
「邊個阿Joe?」
「好大隻隔離office果個呢…」
「佢幾好丫,起碼落雨見你無帶遮又主動遮埋你,幾好架!」
「我都覺得佢幾好既…不過….」
「你十五十六唔知點決定呢?」
「係啊….」
「起碼我咁多年經驗知道佢呢種咁細心又體貼既男仔,而家好難搵..」
「嗯…咁我我識揀啦!拿,陣間甜品我既,唔准同我爭畀錢架!」

點解追女仔都要講天時地利人和,因為唔一定係兩個人既事,而係三個四個甚至好多人既事黎..
如果你問筆者,我係咪中過招呢?我梗係中過招啦。
但如果用一個理性既角度黎講..

第一,我唔相信有個人會咁on9地o係個女仔既朋友面前講/話佢唔好,唔合常理亦唔合邏輯;
第二,我唔覺得一個只係玩女人既人會冒住無得撈既風險去醫院探個女仔仲要同個女仔媽咪傾計去關心佢去陪佢去幫佢;
最後,我亦唔覺得一個會o係條街on99等一個女仔四個鐘既人會去玩佢傷害佢。
理性黎講,呢個世界唔會有呢種咁on9吃力不討好既「player」,比你真係去玩你都揀其他目標啦,點解晒咁撚多時間同心機?(如果真係理性到就唔會有咁多「悲劇」啦)

追女仔唔容易,但如果佢寧願信人地講而唔信你既……….

算啦,Let Her Go啦…………無論你做乜都一樣架咋,巴打。((拍肩

 

 

 

作者:陽光宅男

陽光宅男
人如其名,只係一個有陽光氣息既宅男,鐘意打機9up講笑話但懶到出汁,保證大家完全估我唔到。FB PAGE 陽光宅男Ken

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 163833
Date: 2017-07-09 02:49:59
Generated at: 2020-10-31 15:49:25
Permalink: https://www.vjmedia.com.hk/articles/2017/07/09/163833/女神班姊妹,先係阻住你追佢嘅關鍵!