我係一個攬枕傳心師

 

 

我係一個攬枕傳心師。好多人會第一個反應係攬枕點會有心,點傳。我可以同你講,攬枕都有心靈。

日本的神道,認為所有受敬受拜甚至日常使用的物件都有靈存在,因而有八百萬神嘅稱呼。連一支筆都有神靈,平時日抱夜攬嘅攬枕,點會無靈。

不過同動物傳心師唔同,我係唔會看圖作故事。我一定要望到聞到摸到個攬枕,先有辦法傳心。客人通常都腥2人合照比我,再跟我約時間,上我鋪頭傳心。攬枕傳心同中醫一樣,都係要望聞問切,簡單黎講就係望、聞、問、切。

今日,我就約左兩個客黎。

 

第一位客人係熟客,網名『雷姆我婆』,而佢今日想傳心嘅唔係雷姆攬枕,而係和泉紗霧攬枕。

『咦,你老婆雷姆呢?我見你同佢好恩愛架?』
『邊個係雷姆?我先唔識佢。我老婆係義妹紗霧!』

我唯有拎出雷姆我婆同攬枕嘅合照對質。

『過氣!』

雷姆我婆嬲到拍枱抗議,我見佢咁激動,就此作罷,開始傳心。

『紗霧佢好嬲,佢問你啱啱個女人係邊個!』
『唔係咁架妹醬(いもうとちゃん)。女僕不能算前度……女僕!……女僕人的事,能算老婆嗎?』

跟住雷姆我婆便是難懂嘅話,咩『雷姆過氣』,咩『義妹最高』之類。

『大師,我番去跪玻璃先啦,再見。』

語畢,雷姆我婆抱住新任老婆離去,沿途仲講咩『原諒我』、『對唔住』之類。

 

隨住道歉聲漸少,一位新臉孔進入。第二位客人網名我叫阿俊。阿俊除左抱住阿絲娜攬枕進入,更抱住懷疑嘅心態入內。

『係咪阿俊呀?放心喎,呢到無人識你喎,坐呀。』
『嗯,麻煩你。』

阿俊非常猶豫係咪將攬枕交比我。經過一輪爭扎,我先從阿俊手上接過阿絲娜,隨即進行觸診。怎料,阿俊突然大喝一聲。

『屌你老母做咩摸我老婆?』
『嘩,我唔摸你攬枕點知佢諗咩?你不如告婦科醫生非禮呀笨。』
『預期比你啲咁嘅人摸我老婆,我寧願唔知佢想講咩!』

阿俊氣衝衝咁衝左出門口。呢啲客我見唔少,但屌我老母嘅佢係第一個。你估屌人老母唔洗付出代價呀。

 

見完今日嘅客人,我終於可以休息,係櫃桶拎啲藥黎食。

究竟攬枕傳心孰真孰假,或者只係我嘅幻覺?我只可以答你莊周夢蝶,真同假,分得出咩?

 

作者:緋色雪夜

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 164142
Date: 2017-07-13 03:51:02
Generated at: 2020-03-28 16:25:41
Permalink: https://www.vjmedia.com.hk/articles/2017/07/13/164142/我係一個攬枕傳心師