買六合彩選笠巴,千其唔好人選你又選

民建聯圖片)

 

雖然依家香港咁亂,但係六合彩都係要買嘅。今日係投注站到,就有幾個頗有聲望嘅人係到揀笠巴。

老伯手持白鴿籠,人稱白鴿叔,同另外一個手執公民袋嘅年輕人,爭吵緊邊個選。另外係西九(龍中心)做咗十幾年嘅基叔、日日喺到嗌自決嘅自決哥都爭埋一份。突然正白旗旗主左手持白旗,右手牽熱狗衝埋入票站。

白鴿叔:我輩份最高字號最老。我選晒,係大局為重!

公民袋:喂白鴿叔,你個死老嘢唔好霸住晒喎。六個笠巴,你選得晒咩?

白鴿叔:呢到我最有經驗,我會選唔晒?

自決哥:呢到邊到你選呀?你有無政治倫理?呢六個笠巴,有兩個係我選嘅,今次係咪都應該比我選番兩個先?笠巴自決!

正白旗旗主:如果唔係你地玩野,我地洗喺到選多次?今次我地正白旗都要選!自決哥?番去收皮啦。

公民袋:你上次先係錄音到話我地選笠巴好白痴,我地點會讓比你選呀?

白鴿叔:公民袋就講得啱啦,你段錄音都未搞掂,更何況我地同你都唔同路。

自決哥:不如咁啦,我、公民袋、白鴿叔,一人三個分左佢。唔知咁多位意下如何?Btw笠巴自決!

基佬:喂,我話晒係西九(龍中心服務左咁多年,點講都要讓比我選!

自決哥:讓讓讓讓讓,讓你老母咩!又唔係關愛座,讓條春。笠巴自決!

白鴿叔:你唔好係到嘈生晒。等間激嬲票站職員,唔比我地選點算?不過咁,一人兩個笠巴就兩個笠巴啦。

公民袋:既然兩位都無意見,咁我都無謂反對。

基佬:喂,你地點可以唔留番個笠巴比我?公民袋,西九(龍中心)你識條春咩?

公民袋:阿伯,你唔好再戀盞權力啦。同埋依家選笠巴關你西九做咩事?

自決哥:你個笠巴我要硬架啦,阿伯你都係番鄉下耕田啦。笠巴自決!

呢個時候,自決哥嘅叫聲驚動到保安人員,幾十個保安衝出黎。
保安主管:係我地頭尋釁滋事?屌你老母同我全部拖出去!

白鴿叔:我地都係講野大聲咗啲姐,唔洗咁惡拉我地出去呀?

公民袋:係囉,票站唔可以講野大聲嘅咩?

保安主管:保安做野唔洗你教。精精地就自己爬出去!

基佬:唔係呀阿SIR,我地只係想買六合彩,選好架啦。我地唔會再嘈。

保安主管:哦!你地嘈緊邊個選笠巴呀嘛?服務員!同我印幾張電腦飛比佢。

講員,櫃台職員開始不斷咁印電腦飛。印左一座小山丘出黎。
保安主管:人黎,幫公子買飛。

語畢,保安人員就搶左佢地信用卡,不斷咁碌。

保安主管:嗱,你想選呀嘛?我依家就幫你地選。以後唔好喺我地頭嘈生晒。屌你老母!

 

作者:緋色雪夜

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 164265
Date: 2017-07-14 18:49:24
Generated at: 2020-04-02 08:12:10
Permalink: https://www.vjmedia.com.hk/articles/2017/07/14/164265/買六合彩選笠巴,千其唔好人選你又選