為人父母嘅你,覺得自己仔女蠢唔蠢?有無方法令仔女聰明啲?

 

 

人類之間有一個好奇怪嘅現象,就係啲父母好鍾意鬧自己嘅仔女蠢,好似唔知道有遺傳呢樣嘢咁。

雖然DNA嘅發現係相對於人類歷史比較新嘅嘢。

但係一早已經有類似遺傳嘅概念。

例如常言道:「龍生龍,鳳生鳳,老鼠啲仔女識鑽窿。」

又例如中世紀嘅歐洲貴族講門當戶對,甚至近親通婚,咁樣係為咗保持血統純正,當中不乏咁樣會令佢哋嘅優秀之處得以遺傳嘅信念。

可見遺傳呢樣嘢對於人類社會並唔陌生,奇怪嘅係,現今社會,藉住科學嘅進展,人類應該對遺傳呢個概念更加熟悉,但係唔少人嘅表現就好似好愚昧咁。

但係遺傳呢樣嘢,大家其實應該都知嘅,例如父母嘅血型會影響子女嘅血型,又例如大家都好關心致癌嘅因素(因此content farm入面啲關於癌症嘅文先會得以瘋傳),一啲例如大腸癌,就成日賣廣告話關家族遺傳事。

但係每當去到智商嘅時候,大家都會選擇性咁忽略遺傳因素。

更何況講埋後天因素,仔女咁蠢都係父母嘅責任,因為後天環境都係父母畀仔女嘅,不過我哋可以睇下先天因素先。

首先,人類嘅智力主要受X染色體影響[1][2],當然唔係成條染色體,但係根據觀察,啲影響智力嘅DNA(XLMR)係散落喺成條X染色體到,而呢個發現亦都符合一啲智商嘅統計,例如男性智商嘅normal distribution 係闊過女性,喺遺傳學上可以解釋為「因為女性有兩條X染色體,而男性得一條,所以男性會容易啲受嗰一條X染色體嘅優勢或劣勢影響,所以比較容易出天才同弱智。」。

好,咁基因對智力嘅影響有幾大呢?

同一篇文又指出,過去嘅研究發現,遺傳對智商嘅影響大概有七成。

一時之間,我搵唔到啲新嘅研究發現,可能係連matter of degree 都早有定論,所以依家啲研究反而偏向嘅係遺傳對於唔同年齡階段嘅人嘅智商影響。

好,既然我哋知道遺傳對智商嘅影響,咁我哋列出一啲情況。

首先,生落嚟嘅人大部分biological gender 都係男同女,或者更加政治正確:XX同XY。

然後如果呢啲XX同XY被佢父母嫌蠢,咁先天因素上係邊個嘅責任呢?

XY嘅話,咁好明顯係老母嘅責任。

XX嘅話,父母就可以互相推卸責任喇。

但係呀,由於XY得一條X染色體,所以佢啲XLMR係差係好,會比XX明顯,而佢又係得一條X染色體傳畀個女,所以如果佢本身蠢,個女都蠢,就一定有佢部分責任,相反,佢本身唔蠢,個女蠢,就係老母嘅責任。甚至乎,個老豆蠢,個女聰明,都仲可以話個老豆拖累佢,令到佢唔可以更加聰明。

如果你生嘅係女,你又唔覺得自己蠢,你鬧嘅唔應該係你個女,而係你老婆。

但係你老婆蠢,又唔係你老婆嘅問題,係佢老豆老母嘅問題,但係佢老豆老母蠢又唔係佢老豆老母嘅問題,係佢阿嫲同佢阿公阿婆嘅問題⋯⋯

唔再講落去,對啲倫理關係嘅理解比較差。

講下講下,我覺得廣東話入面嘅「屌你老母」係對住一位愚蠢嘅男性講嘅話係有佢嘅道理嘅。

「人蠢唔好生仔嘛!」

 

作者:哲學仔

哲學仔
一條哲學廢青

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 164655
Date: 2017-07-19 17:45:51
Generated at: 2021-10-21 00:24:47
Permalink: https://www.vjmedia.com.hk/articles/2017/07/19/164655/為人父母嘅你,覺得自己仔女蠢唔蠢?有無方法令