點解能力唔夠嘅人,反而要讀大學?

 

 

唔係曲線唔係反問。係設問句嚟嘅。

我明白香港入大學非常唔簡單,十個人只得兩個可以入到資助學位。同其他已發展地區比真係難到癲。有啲朋友讀書唔叻但係死都要經asso / HD / top-up 各種途徑入大學,我知道一般大學生正常嘅諗法係:

「好心讀書唔掂你就出嚟做嘢啦!」

但實情係,如果能力不濟嘅人,或者真係應該求其搵間大學(就算係遙距課程都好)讀咗佢。反而叻仔叻女嘅就想點都得(睇返我講十八歲結婚論)。

因為其實讀唔到大學嘅人入面(亦即係近八成嘅香港學生)入面有無數嘅勁人,如果你本身唔掂,學習能力同社交能力都弱嘅話,你拎住DSE都係做炮灰。而本身如果你規劃能力唔夠嘅話,你要用自修嘅方式去讀返書,就算俾多三五七年你,你都未必考得好DSE。與其留喺度永續輪迴,倒不如求其是但搵個 degree 讀咗佢。讀 degree 一來係令自己學返多少少嘢,二嚟,係以你嘅能力,有 degree 都未必搵到工,冇 degree 就連入場券都冇。

慶幸世界上有唔少嘅資訊失衡,唔少人依然覺得學位係有一定嘅保證,所以一個本身冇乜能力嘅人而言(假設短期內唔會爆seed),噉拎住個學位都叫做有啲揸拿吖嘛。

如果大家自知係 ① 學嘢慢 ② 語文能力弱 ③ 懶 ④ 唔識考試 ⑤ 唔識同人溝通,噉恭喜你,你喺谷底,無論你向邊方面進發,你都只會向上。搵間二線少少啲遙距大學讀下啦,唔好執着要入香港嘅大專喇。香港嘅大專渣極都有個埗,唔係咁易 hea 過㗎。攞咗個 degree ,再搞掂上面呢五樣缺點都未遲。

不過如果你屋企有錢?噉梗係去浸鹹水啦~屋企有錢冇得輸。

 

作者:擇言

擇言
每個禮拜有15分鐘嘅話歡迎你加入粵典編輯組。 words.hk計劃: http://words.hkFacebook專頁

閱讀後覺得好,請多多讚好及分享~:)

其他熱門文章

  • 【遊戲攻略】解鎖二三艘潛艇教學 《Monster Hunter Rise》刷國王獨角仙悶到瞓著 by 滅盡殺手
    早兩日我哋嘅一篇小知識技巧篇入面有提到要盡快解鎖收集道具必備嘅潛水艇,雖然做村任好快就會有第一隻潛水艇,但係要 […]…
  • 《星際啟示錄》全面大解構 by 湯子霈
    (以下內容全面劇透,及粗淺解釋科學理論)《星際啟示錄》(Interstellar)故事簡單,講述人類在地球面臨末日,美國太空總署探索新星球進行太空移民,延續人類文明。不過,全片涉及大量科學及物理常識,即使是理科生也未必完全明白;同時,劇情探…
  • 【Reg Day 攻略】大學新生註冊四件事 by Cube
    不要以為,Reg Day只是單純報到,拿張學生證就完事。這一天是十分重要的,不想留下不愉快的回憶,就要好好準備了。…
  • 港大舍堂次文化雜談(上):迎新與仙制 by 殷琦
    迎新是Hall的大事。…
  • 【憂傷的嫖客】「環保吹」 by 菠蘿
    某天下午,就在我們對一樓一場所集中地進行實地考察的時候,遇見了一行三人、正在「洗樓」的嫖客小隊。所謂洗樓,就是嫖客在一樓一鳳姐集中的大厦,向每個鳳姐單位門口按鐘、逐個審視,直至他們遇上合眼緣的鳳姐,與她們進行交易為止。而這三人有別於一般的嫖…
  • 其實點先算係鍾意一個人? by 小盛女
    其實我都唔係好清楚(嗱唔好打我),不過以下有幾點可以畀大家參考吓。首先,你會乜都想同佢講,就算係啲無聊低能嘢,當你工作上好大壓力或者遇到唔開心嘅事,你都會同想同佢講,因為你知道佢會靜靜哋聽你呻,雖然唔一定會幫你解決到個問題,但係女人要嘅從來…
歡迎讚好我們的facebook page,免費資訊源源送上。

文章資訊

ID: 164965
Date: 2017-07-23 19:03:05
Generated at: 2022-08-11 19:02:18
Permalink: https://www.vjmedia.com.hk/articles/2017/07/23/164965/點解能力唔夠嘅人,反而要讀大學?