見倒好多人爭論100毛成功，究竟係香港勵志奇跡定係弱智讀者雲集嘅悲哀。
但我諗大家要睇嘅，最撐100毛果班，從來係七十後到尾到八十後；咁亦代表咗呢班趕上咗香港繁榮尾班車嘅世代，始終都係最有消費力最肯駛錢嘅族群。所以啲人成日話搞新媒體、創意產業只能主打細路，又話100毛係年青人嘅奇跡，我諗佢地真係搞錯咗。
又，作為100毛抄襲源頭嘅高登討論區，林祖舜只求食老本、安於逸樂每個月賺三四十萬廣告費就不思進取，任由100毛吸食你寶貴嘅資源同人流後來居上，仲要賺多你10倍純利，唔知佢睇番呢件事有無後悔？我諗多數都無。
仲有，徐緣本來入蘋果搞果籽，就係擁有比100毛多好幾倍嘅資源，結果幾年來愈搞愈縮然後仲可以一邊痴住林日曦大讚「100毛好掂」，一邊又可以戴住「做嘢唔一定為競爭為錢」嘅光環「華麗退場」，如果你話讀者弱智，我諗呢件事先係代表作。
最後，壹傳媒而家市值跌破10億，參考Hypebeast響創業板都有4億市值，唔計開頭果段狂炒期，100毛上市後隨時過埋壹仔頭；感覺就好似果陣Gungho市值超越任天堂咁夢幻。
【遊戲攻略】解鎖二三艘潛艇教學 《Monster Hunter Rise》刷國王獨角仙悶到瞓著
「媽劇停」之苦
【邊度囡囡最好？】日本妹世界第一
香港警察的政治智慧
《彼岸島》絕對是我人生中看的其中一套最令我無言的漫畫。
【轉工適用】Reference Check 又黎料啦
2017年7月27日
