如你喜歡怪人,其實我很美

 

我不是一個什麼事情都收錢的人。只要是朋友,我很易話為的。

故事是這樣的。幾天之前,我傳了我在這世上唯一的狗朋友 Dee Bee 的一個呼籲。我想跟大家說說,我所認識的唐狗朋友。

 

DeeBee 是我在香港唯一的狗朋友,又乖又聽話仲好有性格。佢最近識咗個新朋友,叫 Edward。有嘢想睇大家有幫辦法幫手DeeBee:介紹番,我嘅朋友仔 Edward。我承認而家係同居關係中… ☺️ 不過佢等緊頭好嘅主人家呀。…

Posted by 健吾 on 2017年7月27日

 

故事是這樣的。有一天,Deebee 傳了一個簡訊上網,說他正在和一隻狗公同居,他叫 Edward。是一隻六個月的唐狗。

我一聽到,我就覺得Deebee 是真心想幫這個同伴吧。你知道嗎?香港是一個很傳統的中國人地方,尤其是嶺南地區,有一句說話,叫「住洋樓,養番狗」,你在救狗之家,又或是毛孩守護者這些場域,只要說說有純種犬要領養,他們的inbox很快就會有人垂詢,即使你跟他們說明清楚,牠們性格有一點問題也好,準主人們都是沒有所謂的。因為他們都愛番狗。

但唐狗呢?對不起,你種賤,加上你生於香港,唐狗就只有賤過地底泥。但很搞笑的,外國人領養狗隻的時候,都是領養唐狗的。

Deebee好幾年前進入了我的朋友M教授的家,得到非常好的照顧。牠是不用吃狗糧的,Deebee的吃食,全由M教授打點。而且一天兩次都會去散步排便便。現在,當救狗之家需要找狗狗去學校做講座,牠都會是座上客。因為,牠真的很乖。

 

你看,牠去聖士提反溝女哩。

 

老實說,Deebee也不是第一天就那麼乖的。牠出生的時候一段時間,好像受過虐待,很怕人,經過一段很長的時間,才知道M教授和他的朋友都是好人,才開始變得會跟我們玩。

只是,Edward 就不同了。Edward 一開始的時候,是跟他的妹妹Sandy一起被救到的。Sandy 不知道是命好或是怎麼樣,很快就被領養了。

而Edward 就到了救狗之家主腦在南丫島的基地。Edward 是唐狗,又沒有 house training (即是不知道如何在一個香港的「家」自處),於是救狗之家的教育經理C君就問M教授可不可以幫忙訓練一下Edward。

「Deebee來的時候,也是六個月。現在Edward也是六個月大。」M教授說:「Edward 作為一條狗牠是很OK的。但牠不知道如何面對人類。而牠仍然對車有點恐懼,因為牠在南丫島沒有見過車。」

經過十天的訓練,Edward 已很好了:「牠知道牠可以在什麼時候自由一點活動,什麼時候留在家內要在什麼地方。牠亦開始可以控制牠去洗手間的時間,可以在我們散步的時候才去。牠已知道牠要拉在紙上(paper-training)。」

 

 

唯一的問題,是Edward 仍需要吃三餐,和放三次狗。「因為牠只是六個月大,牠仍是小孩呀!」M教授說:「我們都好希望牠可以盡快找到新主人。這樣子會對牠好一點。」

唐狗的命是辛酸的。 幸運的是,我還是有朋友愛養唐狗。而過著幸福快樂的生活的。

牠叫Tyson,可愛吧?

 

 

 

 

 

 

 

牠也是我的朋友Kel君的狗狗。

Kel君和Tyson的故事,是很普通的,一個很普通的hehe的故事:「一直大家都只係鍾意狗,無諗過真係領養嘅,一來大家都番工無時間長期睇住住狗,二來去左好多機構睇都無話特別邊隻feel到有connection。咁有次入去毛守(毛孩守護者)做義工,一見呢隻我就好鍾意,之後每次入去都好connected 到。但佢又其實鍾意第二隻,咁我就快手快腳話搞領養,佢又懶得理,咁就接左番屋企啦。一開始佢都無乜feel,重問領養有無試用期🙄。但係,Tyson 真係乖到無輪,佢依家就錫到佢癲。」

人嘛,大家都明白的。

「始終係唐狗,好少人會一見鍾情,把口話唐狗都好呀,始終心𥚃面第一下一定鍾意名種狗多啲嘅。」Kel 君都面對很多問題:「係得鬼佬比較識欣賞,依家出家係得外國人讚佢。香港人會俾好多說話你聽,特別我個隻好大隻。『哎吔我好驚狗架』。『阿仔小心點呀,呢啲狗好惡會咬你架』。成日特登講到好大聲,一定要入你隻耳仔度咁。我心諗你仆街啦,我隻狗都係因為你呢啲人先乜都驚咋。」

有時,聽Kel君入毛守做義工,看到的畫面,都令人心酸的:「香港人,始終都係覺得番狗先係寶,唐狗重衰過啲垃圾。好陰公,入毛守見住全部被遺棄被傷害嘅。」

Tyson找到一對愛他的主人,Deebee也找到M教授。你看?有人照顧的毛孩,還是醒目帥氣的。

 

 

Deebee的同居狗公Edward,現在是在等新主人的。Deebee跟我說(!!!!對!我有沒有跟你說我會跟狗的主人傳心的?):「牠已慢慢接受人,亦開始知道如何當一隻家犬。如果大家最近有養狗的想法,而你又可以跟一頭可愛的小唐狗相處,請不要猶疑,星期日牠會在 Whisker N Paws,你亦都可以隨時 Email Cindy ([email protected]) 同 Edward 見面。」

 

Edward(設計對白) :其實我趴起度都幾cute丫係咪先?

 

(左邊係Edward/右邊係Deebee)

 

 

 

原載於健吾BLOG

 

作者:健吾

健吾
專欄作家、記者、編輯……商業電台節目《903國民教育》、《光明頂》主持,香港中文大學日本研究學系講師。著書超過40本。email:[email protected] |Facebook: facebook.com/kengopage |微博:t.sina.com.cn/kengowrites

閱讀後覺得好,請多多讚好及分享~:)

其他熱門文章

  • 【遊戲新聞】新 PS Plus 訂閱服務推出 要補差價兼無訂閱期揀引起爭議 by 滅盡殺手
    有見微軟推出嘅 Xbox Game Pass 大受歡迎,Sony 亦都緊接推出自家嘅訂閱服務,亦即係今日正式上 […]…
  • 18年後再次見到中國人,佢露出巨龍打招呼 by 薰華
    首先,我哋要了解下秦漢時嘅人係點坐嘅先。今日我哋會坐喺櫈上面,其實係胡人帶嚟嘅文化嚟,早期華人嘅正式坐姿,就係今日日本人嘅「正坐」,係坐喺地上面嘅,而呢種坐法,冇練過嘅話我真係寧願唔坐。…
  • 【BNT-020】為保住工作的女生注射了疫苗 by 柚希
    她解開襯衫最上的兩粒鈕扣,輕輕的向左邊拉下襯衫露出少部分的黑色胸罩跟小麥色的肌膚,教男護士呑了呑口水。「消毒完喇,會有少少痛,忍一忍吓。」「嗯。」Jess緊閉眼睛,憶起工作上的瑣碎事情嘗試分散注意力。「打完架喇,小姐你去休息區坐到紙仔上嘅時…
  • 自己嚇自己事件簿 by 小盛女
    「架車有無開到左搖右擺先?車速如何?條路係咪好窄?呢度係咪交通黑點?要用理性去分析你擔心緊嘅事會發生嘅機率,然後你就會發現其實只係自己過份擔心,杞人憂天啫。」…
  • 《彼岸島》絕對是我人生中看的其中一套最令我無言的漫畫。 by 鵝鑾鼻燈塔
    如果你沒有看過,恭喜你,你的人生是完全沒有任何損失的。這種比狗血更狗血的劇情,永無休止又不斷無限loop的橋段,看了也想把自己雙眼也插盲。簡單來說,主角不論做了甚麼,也無法打死早已不死的吸血鬼之王,只能眼看自己的同伴一個又一個的死去(有時甚…
  • 老師話同性戀唔啱,應該點答返佢? by 外賣仔
    如果一個「老師」話同性戀唔啱,你哋拍拖係錯嘅,千祈唔好諗住抗衡話同性戀無嘢先,因為呢個「老師」已經預設咗呢條問題,佢啱,但你錯。呢個時候你要先更正佢條問題先,記住,係更正佢條問題先,因為你面對緊嘅對手其實係一個白痴同埋低能嚟嘅,根本對同性戀…
歡迎讚好我們的facebook page,免費資訊源源送上。

文章資訊

ID: 165930
Date: 2017-08-04 16:06:50
Generated at: 2022-05-25 10:12:44
Permalink: https://www.vjmedia.com.hk/articles/2017/08/04/165930/如你喜歡怪人,其實我很美