女朋友叫我儲錢買樓,但最令我儲唔到錢既就係女朋友

 

 

「Happy birthday」

在法國餐廳吃過晚飯後,優美的小提琴聲傳來,還有那位拿著帳單的侍應,盛惠 3998 元。

「呢度四千,唔駛找」

既然今天是女朋友生日,我就大方一點,給了侍應兩元貼士。而在我結帳之時,她也沒閒著,她正忙於自拍放上網。

「下次唔駛食咁貴啦,你依家開始要勤力D儲錢,留到將來結婚買樓既時候用呀」

雖然這間餐廳是她訂的,但她還是體貼地叫我別亂花錢。為了配合氣氛,她還加了五百元,訂了一些寫上她的名字,只能用一次的生日氣球。

 

拍拖,對我來說是高消費活動。我每個月薪水超過一半都是花在女朋友身上的,高級西餐、米芝蓮星級餐廳、酒店自助餐,這些都不在話下。

就連那些成本不超過五元,售價卻要一百元的甚麼拉絲隱世紫薯,或者是那些標榜著「OL 讚激」,在佳寶可能只要二十元就能買到材料,但在韓國餐廳卻賣 388 元還要排隊一個小時才吃得到的韓式部隊鍋,只要她拉我去,我都會靜靜地看著她吃,幫她拍照打卡,然後拿出一張張沾滿淚水的鈔票去結帳。

 

看到新聞說香港人的拍拖花費是亞洲第二貴,我默默地按下了 like。然後,佢嬲咗我。

 

「就黎情人節啦喎,你打算送咩俾我呀」

情人節、聖誕節,就連萬聖節都要送禮物。每年可能只有清明重陽才不用送。

「情人節唔係應該女仔送禮物俾男仔,然後男仔係白色情人節回禮咩」

要女朋友送禮物俾你 ? 有無搞錯呀,你係咪男人黎架。平日開口閉口都說的甚麼男女平等、女權,通通拋諸腦後。她說那些要女朋友付錢的男人,是網上語錄寫的 「千萬別嫁的十種男人」 之一。

 

「喂,唔該係咪百佳,依家開房要幾錢呀」

「時鐘就一百八十,過夜就二百六十」

有時想爆房,但看看時鐘酒店的房價,再看看自己的錢包。只好忍住性需要,或者回家靠自己。

 

「大家兄弟,平平地食個打冷就得啦」

有時和兄弟們出來食飯,大家都會選擇吃便宜的。兄弟們,明白的。

「你睇下人地對女朋友幾好呀,成日都帶佢去旅行,真係羨慕呀」

每當有朋友在機場自拍,女朋友總是抱怨我一年帶她去一次日本一次韓國是不夠的。

看到報紙上寫著一位 90後公務員表示「月儲一半人工無難度」,再看看他在訪問中腼腆地說目前是單身。

哼,單身儲錢當然容易呀。

 

「我個經紀朋友好難先說服到人地業主減廿萬俾我地架,你依家先黎話唔買 ?」

「減咗價都仲要七百幾萬,佢仲好意思話係上車盤 ?」

政府高官常呼籲年輕人別一直想著要買樓,Oh come on,不要對我說,應該要對我女朋友說。有多少男人是自己想買樓 ? 又有多少是被女人逼買樓 ?

「咁依家樓價係咁貴架啦,一樣有大把人排隊買」

「但我依家 …. 真係無咁多錢呀」

「我同你講左幾多次,叫你唔好亂咁駛錢呀,你到底幾時先肯生性,我真係覺得好無安全感呀」

 

我想起了那些宅男朋友,他們沒有拍拖,消費少,長期都是月剩族,而我就月光族。現在想一想,原來有一種幸福叫單身呀。

 

 

作者:高教授

一個 90 後大學畢業生,社會上的新鮮人,自以為是經常以教授自居,用 90 後的角度探討千禧後的世界。 FB PAGE:https://www.facebook.com/professor.ko

閱讀後覺得好,請多多讚好及分享~:)

其他熱門文章

  • 【遊戲攻略】解鎖二三艘潛艇教學 《Monster Hunter Rise》刷國王獨角仙悶到瞓著 by 滅盡殺手
    早兩日我哋嘅一篇小知識技巧篇入面有提到要盡快解鎖收集道具必備嘅潛水艇,雖然做村任好快就會有第一隻潛水艇,但係要 […]…
  • 《星際啟示錄》全面大解構 by 湯子霈
    (以下內容全面劇透,及粗淺解釋科學理論)《星際啟示錄》(Interstellar)故事簡單,講述人類在地球面臨末日,美國太空總署探索新星球進行太空移民,延續人類文明。不過,全片涉及大量科學及物理常識,即使是理科生也未必完全明白;同時,劇情探…
  • 【Reg Day 攻略】大學新生註冊四件事 by Cube
    不要以為,Reg Day只是單純報到,拿張學生證就完事。這一天是十分重要的,不想留下不愉快的回憶,就要好好準備了。…
  • 港大舍堂次文化雜談(上):迎新與仙制 by 殷琦
    迎新是Hall的大事。…
  • 【憂傷的嫖客】「環保吹」 by 菠蘿
    某天下午,就在我們對一樓一場所集中地進行實地考察的時候,遇見了一行三人、正在「洗樓」的嫖客小隊。所謂洗樓,就是嫖客在一樓一鳳姐集中的大厦,向每個鳳姐單位門口按鐘、逐個審視,直至他們遇上合眼緣的鳳姐,與她們進行交易為止。而這三人有別於一般的嫖…
  • 其實點先算係鍾意一個人? by 小盛女
    其實我都唔係好清楚(嗱唔好打我),不過以下有幾點可以畀大家參考吓。首先,你會乜都想同佢講,就算係啲無聊低能嘢,當你工作上好大壓力或者遇到唔開心嘅事,你都會同想同佢講,因為你知道佢會靜靜哋聽你呻,雖然唔一定會幫你解決到個問題,但係女人要嘅從來…
歡迎讚好我們的facebook page,免費資訊源源送上。

文章資訊

ID: 166142
Date: 2017-08-07 05:25:54
Generated at: 2022-08-11 19:24:04
Permalink: https://www.vjmedia.com.hk/articles/2017/08/07/166142/女朋友叫我儲錢買樓,但最令我儲唔到錢既就係女