唔知大家對於大方嘅定義係咩？早兩日畀人話大方，令我突然諗，乜我係咩？自問自己一向好小器，只不過好快唔記得件事，又或者，唔記住件事只係認住咗個名，提自己要小心呢個人。
不過咁，做人要大方啲呢樣嘢，我係學自我父母。食餐飯唔好介意係自己請，做人要有來有往，大家講吓笑唔好咁上心，得閒請吓人食嘢買吓小禮物畀人，過咗去就算，都係家人經常會同我講嘅嘢。
咁所以中學某段時期，我經常畀男同學笑波大無腦，我都好努力做出一種唔介意嘅模樣，甚至覺得自己有呢種身材係唔好，因為會畀人笑。
大方係好處嗎？有時我唔覺得係，因為太大方會畀人欺負，會吃虧，但到我直到我開始寫文，會去影吓相，開始興自拍就發現，喂，原來有身材呢件事係有優勢。例如如果你想sell文，得閒出張低胸相，就自然會吸引一堆人嚟圍觀，well，終於冇人會再笑我。
問題就嚟了，由畀人笑波大無腦，到post 自拍時畀人講好大波，好好J，有人寫文話夢見同我水乳交融精子進入我身體，甚至有人pm問「3000/q ok?」 時，我就諗，自己係咪可以大大方方咁得閒露吓胸，而又接受畀一啲奇怪嘅說話騷擾。
喺呢度我就諗，呢種豁達其實唔易，一個銀仔有兩面，而最重要係你永遠控制唔到人諗咩，不如試吓自己做啲改變，其實咁多嘢，又何必咁認真？
雖然我到今時今日都估唔到有人可以話發夢將精子進入我體內，但識得笑，其實好好笑。有一個識咗好多年嘅網友，佢由以前到依家嘅網上言論都係風頭躉，喺佢身上我明咗一樣嘢，如果你好多時候可以將一件事曲到圓，將一件事由好差扭到好笑，咁做人應該會開心好多，呢種唔係精神勝利法，而係一種公關技巧，反正好多時「上網就凶狠，見面就碌撚。」畀人口花花兩句，其實又唔會點。
不過咁，太過侮辱其實我都接受唔到，大方係要有底線，學似之前Kisabbb咁有人sd張相，入面影住佢條J 擺落去自己啲相度，我諗我都會分享畀大家見識吓。
但假如你真係露吓胸出嚟，享受緊自己身為女性而擁有嘅優勢，真係唔好講咩平權。因為你著住吊帶小背心露個胸出嚟求其唱吓歌，個反應一定好過一條仔認真彈，因為個世界就係咁，睇女永遠好過睇仔，除非你係彭宇晏，能夠做到男女通殺。
正因為呢個世界就係咁玩，即使你話你冇享受優勢，但喺呢個網絡世界，就算你抗拒享受優勢，現實都係大波美女引到多啲人關注。既然如此，就更加唔好怪人口花花話人厹，讚吓你，pm你都係想示吓好姐，而且香港男仔普遍都係咁，口花花你，可能只係示好，話你可以擔上山食三年，唔通又真係狗公咩🤦🏻♀️同埋講真啦，彭宇晏咁款同八兩金咁款，你個反應係咪都唔同先？
上網嘅嘢，玩得開心咪夠囉，pm吓都公審人，有冇咁得閒呀？🤷🏻♀️
【遊戲新聞】新 PS Plus 訂閱服務推出 要補差價兼無訂閱期揀引起爭議
《彼岸島》絕對是我人生中看的其中一套最令我無言的漫畫。
【BNT-020】為保住工作的女生注射了疫苗
18年後再次見到中國人，佢露出巨龍打招呼
老師話同性戀唔啱，應該點答返佢？
【轉工適用】Reference Check 又黎料啦
2017年8月13日
