有咩好得過有馬紀筠做女朋友?

 

係人都想搵到個女朋友,而馬紀筠依種更加係可遇不可求。

講外表唔係差,甚至有一種睇片仲靚過睇相嘅感覺(嗱,你唔好話我知你冇睇過),而且一個喺床上面配合度咁高嘅女朋友,冇邊個男人會討厭。講真吖,好多女仔連含都未必肯,仲話要拍片?你今晚準備定瞓廳都可以。你話我咁諗好膚淺咩?有幾多個女仔大叫碧咸靚仔同時講得出佢邊年效力過邊隊,又喺邊年掛靴?大家都係咁膚淺架啦。

喺香港,我覺得馬紀筠真係所有單身男性嘅另類女神。喺一個咁膚淺嘅世界,難得嘅係馬紀筠個男朋友就算一啲都唔突出(原諒我,我真係諗唔到點形容好),佢地都依然咁恩愛——你話我點知佢地恩愛?斷估唔恩愛都唔會留下愛的記錄下話?

如果你有喺連登追過馬紀筠自己開嘅Post,佢唔單止唔介意大家用佢條片同男朋友嚟開玩笑,甚至有時候自嘲埋一份,依種氣量連男人都未必有,其它女人可能淨係識阿嬌咁一路喊一路話自己好傻好天真。拍過拖嘅男仔都知道,女朋友話嬲就嬲,可以用「唔講道理」去形容,但馬紀筠肯定會比大多數港女都好好多,最起碼唔會係猛鳩語錄之中「然後,佢嬲咗我」嘅嗰開個玩笑都唔得嘅類型。

女人入得廚房已經唔再重要,我相信而家香港識煮嘢嘅男仔比女仔仲多,所以一個「出得廳堂上得床」嘅女朋友就成為咁男仔們最想要嘅類型。馬紀筠絕對符合後者,而前者憑佢外表同連登嘅用字我都頗肯定係水平之上。如果有一個肯同自己曳曳嗰陣拍片、被流出仲識用嚟做上位嘅方法、仲要唔介意自己絕對唔係白馬王子級嘅女朋友,我諗都冇邊個男仔仲會有咩挑剔。

最起碼我一定冇先。

 

 

作者:毛言地

毛言地
你有多久沒去找自己的理想?搏殺一天,回到家,倒頭就睡。 無言,只因生存太累。談理想?妄想; 毛言仍言,只因理想,本就是「理應去想」 http://www.facebook.com/MaoYanDe

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 167220
Date: 2017-08-22 23:03:01
Generated at: 2021-05-13 17:14:47
Permalink: https://www.vjmedia.com.hk/articles/2017/08/22/167220/有咩好得過有馬紀筠做女朋友?