熱門文章

    當年做尖咀「名店」兼職sales,要男女一齊逼喺個儲物室換衫. . . . . .

     

    (男女一齊換衫你以為係咁?少年你太天真)

     

    美麗華單嘢搞到沸沸揚揚,我諗起好幾年前,仲讀啱啱入大學嘅時候,喺某國際知名品牌尖沙咀旗艦店返part time(係呀就係嗰個法國牌子呢,兩個字母縮寫嗰個呢)。

    當年我點搵到呢份工㗎呢,係上勞工處搵嘅,估唔到呢?
    聽聞好多附近嘅大brand請part time都係through agency請,咁我當年apply咗份store assistant,去到agency度interview先知係呢個brand而且係呢間大鋪。之後再去鋪頭in多一次,順利請咗就開始返工喇。
    但嚴格嚟講我哋part time都係外判嘅,因為contract係under間agency,出糧都係through agency出。

    當年呢,除咗法國總店之外,就數香港呢間旗艦店最大喇,而佢哋同美麗華對清潔姐姐一樣,咁大間鋪都係冇更衣室畀我哋part time㗎。冇錯喇,都係得間細細嘅儲物室換衫咋。
    大家返工放工時間都差不多,所以每次都係三四個人逼喺間儲物室到換,peak season多人返工點算呀?喺出面等囉。
    好喇,part time同事唔係得女仔㗎嘛,都有男仔㗎嘛,咁點算?一齊換囉。女同事的確比較多,而香港男仔本身已經好慘,乜都要讓女仔先,如果下下都要等女同事換好曬衫先有得換都好慘,除非咁啱同一個time slot儲到三四個男仔一隊啦,否則我哋都唔會叫男同事喺出面等。
    同女同事一齊換衫嘅男同事貌似好爽,但試過你就知一定唔係。

    你諗下,間房咁細,已經有三個女同事逼喺度,女同事ABC都叫你「擰轉面!」,你冇咩地方可以望㗎咋,只能夠背對所有人望住個角落頭。再加上換衫點都有啲踫撞,香港男仔其實好有風度,加上驚被人誤會,所以動作一定好小心。咁樣換衫真係一啲都唔爽。

    你點會諗到咁大間公司咁大間鋪,連一間更衣室畀part time員工都冇?我哋同full time著一樣嘅制服,但連基本人道待遇都差天共地。
    香港人不嬲都虐待基層員工㗎啦,所以我相信美麗華呢單嘢一定唔係個別例子,只係啲管理層on9然後被爆咗出嚟。之前唔畀屋企工人開冷氣嘅僱主就係另一個例子。

    我當年做咗三個月就冇做,唔知佢宜家有冇改善到,有人近年喺嗰度做過part time就update下我啦,射射。

     

     

    作者:一百八十呎

    一百八十呎
    既然有人表演瞓劏房,全天候住劏房的都是行為藝術家。

    閱讀後覺得好,請多多讚好及分享~:)

    其他熱門文章

      歡迎讚好我們的facebook page,免費資訊源源送上。

      文章資訊

      ID: 167508
      Date: 2017-08-26 19:12:31
      Generated at: 2019-05-19 17:45:34
      Permalink: https://www.vjmedia.com.hk/articles/2017/08/26/167508/當年做尖咀「名店」兼職sales,要男女一齊逼喺個儲