佢哋邊個要人同情?

 

東方日報圖

 

「同情心」大概係我哋從小學習嘅所謂「美德」當中,最冇需要嘅一項。
我嘗試諗,究竟有咩人需要同情心呢?

渴望被同情的人,換句話說,不過渴望得到受害者光環。呢種人明明有能力改變現狀,但比起企起身大大聲fight for自己嘅尊嚴,只會細細聲呻,寧願做受害者等人幫佢出頭,例如你身邊嗰個被男朋友呃極都繼續畀對方呃嘅女仔朋友,號稱自己好慘但其實一啲都不值得被同情;

需要幫助的人,根本唔需要你同情。幫助可以係金錢,可以係教育,可以係擁抱、聆聽、安慰⋯⋯甚至可以是不打擾,化為行動的才是幫助,徒有憐憫之心幫助不了任何人。而幫助,並不來自「同情」,而是來自「同理」。例如你見到個人行行下仆街,攬埋雙手留低一句「好慘豬呀」就行開咗,你係就係彰顯咗同情心喇,但有咩用?對方唔單止唔會覺得好過咗,仲會覺得你只不過企喺高地度俯瞰啲不如你嘅人;如果你會伸出雙手,並非因為你同情佢,而係你知道對方當時需要的是什麼;

仲有另一種人,就係企喺高地嗰班人,人之所以能夠憐憫別人,係因為喺某方面比別人有餘裕,但如果思索的並非對方的需要,而是期望透過派發同情而得到光環再拎個光環嚟打飛機上下上下捽捽捽嘅,你收皮啦。

我有個朋友,喺「13+3」嘅判決落咗之後,同我講咗一句「寄予無限同情」,我:「佢哋邊個要人同情?」
有個朋友會研究在囚人士可以收咩物資,例如每月可以收一支梨牌handcream,每兩星期可以收一支Labello藍色蓋潤唇膏,平時keep住寄秋冬就冇咁容易爆拆;仲有每月十包Tempo、三條底褲、三盒Skeeter驅蚊貼之類(有個套餐俗稱「廿四味」,詳情去懲教網睇)。雖然對13+3未必有幫助,但起碼令身邊多咗人知道在囚人士喺物資上嘅權益。(有冇人知如果濕疹或者皮膚敏感有冇嘢可以搽?)
又有個朋友,會討論第時呢班人出返嚟,主流老闆冇人敢請佢哋的話可以做咩,有咩人脈可以動用。
又有班朋友,唔係直接掂政治講政治,但一直旁敲側擊揼石仔企硬做「香港人」,用粵文寫書、拍紀錄片、衣食住行上推廣本地品牌。連基本嘢都無法自給自足,點同大魔王講「I’ve come to bargain」?

但香港一直有班人,由國教、到雨傘、到DQ、到13+3,冇出過力冇出過錢都冇用過個腦,不斷喺FB、IG留低一啲沒有意義的片言隻語,「好慘」、「好想喊」,都不過消費社會嘅不幸嚟扮關心社會扮唔係港豬。係犬儒嘅,搵多啲錢,暗地裡課金畀呢啲政治團體又好、良心傳媒都好丫。
搵唔到錢又唔用腦又想明哲保身嘅,與其搵光環嚟打飛機,直接啲,買個飛機杯算啦。

另,
澳門人都唔需要香港人同情,諗下人哋宜家需要啲咩,課唔到金送唔到物資又帶唔出有建設性嘅討論嘅,畀啲空間人哋做實事同傳播有用嘅資訊,收返你嗰句廉價嘅「RIP」。

 

 

作者:一百八十呎

一百八十呎
既然有人表演瞓劏房,全天候住劏房的都是行為藝術家。

閱讀後覺得好,請多多讚好及分享~:)

其他熱門文章

  • Client 問我點解自己係「仆街磁石」(上) by Professor Chan
    佢自從中學由女校畢業之後就無試過單身⋯⋯連一個月都無。每次同一個男仔分手,佢好快就會同另一個人一齊,佢話佢已經唔記得單身係咩感覺。…
  • Client 問我點解自己係「仆街磁石」(下) by Professor Chan
    依家,你重新行一次,你由出世到依家呢廿五年嘅經歷。好似一段Video咁,由過去,由開始播放,播放到依家呢一刻⋯⋯你可以由得唔同嘅片段喺你個腦入面播放,唔需要去控制佢,一路播一路同我講你見到咩。」我講。…
  • 香港人就係純樸到連日本人都可以喺度橫行霸道 by 白木乩
    就算係日本老母來到香港,無左其他日本人嘅目光,無左其他日本人文化監察,無左其他日本人鬧佢「打咩」、「巴加丫囉」、「渣媽」,出名桎梏出名壓抑嘅大和民族,都係會個性解放,係「個性」解放。…
  • 【遊戲新聞】NS糞級新作引起熱潮 《Final Sword》挑戰任記的可疑作品 by 五木
    以前超任、PS 年代因為資訊不流通,但係「買」Game 又極平嘅關係,所以成日玩到糞作。隨住資訊變得流通,今時 […]…
  • 由林美戀談起——藝人基督徒,係咪好好撈? by 殷琦
    無論16 年背夫偷食單野又好、現時與非基林作拍拖都好(雖然個人而言基與非基我是ok既...~)、「High Profile處理感情生活、信主後感情生活仍然混亂」是我覺得對你算中肯的評價。但這其實都超出一般教會的接納程度了吧?既然是藝人,言行…
  • 吃子的文化 by 健吾
    我有時會想,是不是真的有人會覺得「考得唔好唔緊要」,是一句安慰語。我考得好,所以我沒有辦法說什麼。對考得不好的同學,我也不能說「你考得不好不好意思」。更甚者,我有學生因為考得不好,進不了醫科而感覺遺憾終生,幸好他是一個鍥而不捨的人,讀完一個…
歡迎讚好我們的facebook page,免費資訊源源送上。

文章資訊

ID: 167636
Date: 2017-08-29 04:16:51
Generated at: 2020-07-08 22:37:38
Permalink: https://www.vjmedia.com.hk/articles/2017/08/29/167636/佢哋邊個要人同情?