【邊度囡囡最好?】港女

 

(photo via cc Flickr user chumsdock)

 

身為港男,​平日日常接觸得最多既理論上係港女(唔出街既毒男如筆者另計)。無奈香港男女之間既矛盾日深,​筆者都心如刀割,​以下引述一段潮文形容下:

「Angelababy ​又唔靚,Janice Man又唔靚………香港妹有樣,佢地會嫌人冇波,​連波都有,佢地就會話人冇靚腳」

其實港女又冇上面篇文講到咁差,​香港女仔好多都有靚腳,​唔埋普遍都係白滑同走肥,​波路可能真係冇乜,​但係諗到2000年左右twins既年代,​整個社會都係講瘦,​哪有波?試問咁樣可以怪港女冇波咩?錯既係社會,​係社會!

講性格,​港女係刁蠻啲嘅冇計,​鬼叫好多都由細到大嬌生慣養咩。好難要求港女好似台妹咁嗲聲嗲氣,​但相反港女都唔會好似殘廢咁要你照顧哂佢。獨立自主係港女一大優點,​其實港女AA制已經算好普遍(講緊亞洲文化入面),​拍緊拖既負擔都唔洗俾哂兩份咁重。加上港女一般都會做野,​自己搵自己洗,​其實都幾諗得落,​加上係社會打滾幾年,​當初刁蠻ge港女都會逐漸變得成熟,知性,​大方。講長線,​香港女仔真係唔差。

同埋最緊要係咩?​啱咀型囉,​同港女傾計可以用返講得最慣嘅廣東話,​唔洗左諗右諗點表達自己,​如果追求精神上既交流,​港女簡單直接得黎又啱channel,​點講都係生於斯長於斯嘛。講巴士阿叔又得,​爆哂粗仆街陷家剷又得,​講到尾,​係一種異國囡囡帶唔到俾你嘅親切感。

 

【專題:邊度囡囡最好?】

 

作者:Ban Na Wong

Ban Na Wong
兒時夢想,警察醫生消防員,講既係幫人救人除暴安良,到而家講既,只剩下數目字。有一種唔甘心,發覺自己比小時候更不堪;坐言起行,給自己一個挑戰。回想當年,願望係成為一個作家;重拾當年,由情趣用品店BLOGGER出發,九唔搭八地向夢想前進。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 167685
Date: 2017-08-29 05:23:55
Generated at: 2019-03-19 10:45:37
Permalink: https://www.vjmedia.com.hk/articles/2017/08/29/167685/【邊度囡囡最好?】港女