Citymapper 應用程式帶你四圍去

「乘客可於 Citymapper 應用程式中,查閱其他交通工具資料」… 自「港鐵故障消息」於 2011 年成立以嚟,發佈過尤如恆河沙數的故障消息中,這句句子可謂「老是常出現」,最近可能還因為車務事故頻繁而越見越多。

 

 

其實,Citymapper 係一個 直接 顯示「由 A 辦公室 到 B 大廈」等「點對點」車程,中途要坐邊啲交通工具嘅應用程式,解決咗大家日常生活中「呢度去果度搭咩車好」嘅種種問題。

 

Citymapper 開發者嘅總部設於倫敦,現時已覆蓋近 40 個城市的運輸網絡;而 MTR Service Update 就喺 2016 年底趁「觀塘綫延伸段」南港島綫 通車,開始更新 各行車綫 及 機場快綫免費穿梭巴士 嘅資料,以方便本港乘客,以及初到香港嘅外國遊客。

 

 

當中包括各行車綫的表定行車時間、列車停站時間(部分車站設定的停站時間會明顯較長,方便乘客轉車)、全日唔同時段嘅班次、最方便到不同出口嘅車廂位置,以及車站出口資料等。

 

將資料逐步輸入至 Citymapper 內

 

由於香港缺乏開放數據,但鐵路服務牽涉的資料量十分龐大,當中例如轉車所需的時間,都需要人手、人腳去實測,而機場快綫免費穿梭巴士的路線圖,則要逐筆畫出,所以都需要相當時間方可完成這個資料庫,亦解釋咗點解要 2017 年之後,資料先會覆蓋輕鐵、港鐵巴士、港鐵接駁巴士的原因。

 

對比其他類似嘅服務,Citymapper 除咗更加貼近本港實際情況外,喺計劃行程時,更會考慮列車班次、乘客來往月台轉車的所需時間、步行到出口的時間。

 

 

上圖的例子入面,乘客 Eugene 由奧運站到葵興的一座工業大廈,其他類似的服務居然建議 Eugene 於葵芳尋先落車,再步行 40 分鐘到目的地;而 Citymapper 應用程式就按常理,請 Eugene 於葵興站落車,再沿行人天橋及街道到大廈正門。

 

 

同時,程式可整合到智能手錶,將車程資料、地圖投射至錶面至上。入面嘅街景顯示,更可方便乘客前往車站出口,或者由出口去唔同嘅建築物。例如觀塘站有兩個出口建於 APM 商場之中,如果到巧明街的樓上 cafe、特色店舖其實唔駛人逼人過馬路,「貼地」嘅資料庫同埋街景功能,可謂獨家功能。

 

另一方面,參考東京率先喺 2002 年開始,就喺車內顯示「最方便車廂」嘅做法,我地都為 Citymapper 添加呢項資料,當中覆蓋各行車綫全數 93 個車站、18 個轉車月台以及上千個出口,亦喺馬鞍山綫改用全新停車位置,以及車站設施因「用心聽.用心做」、「鐵路願景」等計劃而改建、重建時,不斷更新呢啲資料

 

考慮到各行車綫有時會十分繁忙,因此與 Citymapper 位於倫敦的總部協商後,車程搜查結果的字眼,已盡量與站內指示牌統一,亦唔會附帶任何商業廣告,避免妨礙乘客搭車嘅步伐✅

 

多年以來,港鐵公司的 MTR Mobile app 均以「硬編碼」(Hard-code)方式,將互相往來 93 個車站的資料,以固定方式寫入。例如由 牛頭角 去 中環,數車站數目計時間又難分難解,稔起東隧班次較疏,又唔想信 MTR Mobile App 話經鰂魚涌係最快。遇上事故時,又好難評估例如 美孚 到 中環 經 荃灣綫抑或西鐵綫先至最好。

 

 

當港鐵發生車務事故,乘客只需要撳吓手機,就可以查閱其他交通工具的資料,Citymapper 更會顯示我地發佈嘅故障消息,等大家計劃行程時,可以預算繼續搭 MTR 係最快嘅方法,抑或中途改搭其他交通工具。

 

此外,我地亦會同 Citymapper 合作推出「動態受阻路綫圖」,故障影響的範圍便一目了然。

原載於:MTR Service Update page

作者:MTR Service Update

MTR Service Update
數碼媒體平台上影子的鐵路公司溝通渠道, 專注於乘客資訊的工作,目的為示範公共事業之應有水準,服務範圍 ➡️metroride.hk/ServiceScope

閱讀後覺得好,請多多讚好及分享~:)

其他熱門文章

  • 【LEGO快訊】LEGO迷你兵團正式登場 by 阿九
    講左好耐嘅 LEGO 迷你兵團終於都喺紐約玩具展前席正式登場!暫時公佈嘅產品總共有 5 款咁多,而當中以 75 […]…
  • 【劏房生活實錄】連打飛機/捽碟都怕被鄰居聽到. . . . . . by 一百八十呎
    上次講過我同隔嚟屋只係一板之隔,夜晚瞓覺連人哋呼吸聲都會聽到。人哋屋企又有小朋友,可想而知,捽碟的話我一定要帶耳機。試過唔記得戴,一開就大大聲「澳門首家線上賭場上線啦」,嚇到我心都離一離,人哋唔知以為我沉迷毒海都唔好啦。…
  • 【引爆中國】(二):中國沒有不分裂的本錢 by 薰華
    上次講到葛劍雄《統一與分裂》提出,中共政治政確下嘅標準計,中國歷史上只係統一過81年,而依照傳統中國所講嘅統一嚟計,其實中國亦都只係統一過950年。咁即係話,無論你中意由夏后帝啟開始計、由成湯開始計、由周召共和開始計、由秦始皇開始計,定係由…
  • 【口罩知識】99% PFE 就等同 N95 口罩? by Tango Chan
    PFE(Particle Filtration Efficiency)則是顆粒過濾效率,以 3M 為例,他們會利用 0.1 μm 的微粒及 28 lpm 流速來測試外科手術口罩的過濾性能。而普遍來說,這項測試容許使用 0.1 – 5.0 μ…
  • 【引爆中國】(一):中國只係統一過81年? by 薰華
    「支爆」呢個term,筆者都聽咗好幾年,然而每次話支爆,結果都好似不了了之咁,直至今年武漢肺炎大爆發,有朋友就開始盤點下現時中共所面對嘅所有問題,發現係歷朝歷代滅亡前夕嘅事件嘅大集合。既然係咁,筆者亦都想講下到底歷代嘅統一同分裂,背後究竟係…
  • 【引爆中國】(三):統一之後…… by 薰華
    今日唔係想講秦漢之際喺中原發生嘅事,而係睇下喺我哋呢頭,嶺南一帶發生嘅事。…
歡迎讚好我們的facebook page,免費資訊源源送上。

文章資訊

ID: 167797
Date: 2017-08-31 14:37:24
Generated at: 2020-02-24 16:55:39
Permalink: https://www.vjmedia.com.hk/articles/2017/08/31/167797/usecitymapper