反對派已經完全喪失帶領社會討論議題的能力

 

(圖文不符)

 

反對派的政工作,主要範疇係乘著執政者缺失,然後提出反對,透過呢個反對嘅過程,凸顯自己比執政者更好,從而吸引市民(選民)在下一次選舉支持自己。

反對派是被動的,即係如果執政者的施政完美,或曰無從入手批評,咁反對派就無乜嘢好講,無乜嘢可以凸顯自己好,然後就少了一道板斧吸引支持者,甚至連本身的支持者都會質疑佢哋是咪偷懶唔做嘢。

反對派如何突破呢個困局,一般來講係發掘社會問題,然後帶領社會討論呢個議題,即係所謂的agenda setting。

呢樣嘢,需要與反對派友好的傳媒配合,政工作與新聞工作並駕齊驅。

 

林鄭上場之後,口講大和解,表面聽習近平話而且走鄧小平嗰套,不爭論,拼經濟,本質就係唔好講咁多,只可諗賺錢,所有政工作,包括針對反對派的政治逼害、統戰工作,與友好的聯繫工作,與份屬建制派但敵對派系的政治逼害、統戰、籠絡,之類,全部檯底做,務求輿論上迴避反對派追擊。

呢個現象,唔係我亂講,大家睇/聽各大傳媒時事節目,有咩好講?係無。只可以每日睇曬全部報紙再R 啲嘢講,好勉強,唔係話時事節目啲人廢,係林鄭善守者藏於九地之下。

林鄭(及其管治班子,及其背後智囊)的政治手腕,暫時來講,真係好高。

 

檯面無嘢好講,反對派可以點?兩星期前,十六人先後被判監,係判監入冊無自由入到去被人蝦呀,再數耐少少,DQ4,DQ6,然後呢,個社會靜曬,反對派輿論靜曬,已經未講高鐵一地兩檢,完全被建制派主導輿論,街坊們覺得「快啲到有咩唔好呀」嗰種尷尬。

咁人哋識檯底做嘢,反對派有無本事將建制派不堪而未曝光嘅嘢,拿出來俾公眾討論?暫時唔見。

 

不過講到最後,反對派議席係穩陣嘅,比例代表制,10%選票,夠了。大黨只係需要民建聯式鞏固支持者,就夠選了。

如果你哋本身想搞政治,但唔係飯民大黨,又缺乏議題設定的能力(其實可能連呢個諗法都無),咁其實你哋想點呢?想等天收林鄭?想等皇天擊殺共產黨?想等支爆?想等運到?我睇唔透。

 

作者:白木乩

白木乩
聽聞係總編分身,專用來出D 與總編身份不符既膠文

閱讀後覺得好,請多多讚好及分享~:)

其他熱門文章

  • 【LEGO快訊】LEGO迷你兵團正式登場 by 阿九
    講左好耐嘅 LEGO 迷你兵團終於都喺紐約玩具展前席正式登場!暫時公佈嘅產品總共有 5 款咁多,而當中以 75 […]…
  • 【劏房生活實錄】連打飛機/捽碟都怕被鄰居聽到. . . . . . by 一百八十呎
    上次講過我同隔嚟屋只係一板之隔,夜晚瞓覺連人哋呼吸聲都會聽到。人哋屋企又有小朋友,可想而知,捽碟的話我一定要帶耳機。試過唔記得戴,一開就大大聲「澳門首家線上賭場上線啦」,嚇到我心都離一離,人哋唔知以為我沉迷毒海都唔好啦。…
  • 【引爆中國】(二):中國沒有不分裂的本錢 by 薰華
    上次講到葛劍雄《統一與分裂》提出,中共政治政確下嘅標準計,中國歷史上只係統一過81年,而依照傳統中國所講嘅統一嚟計,其實中國亦都只係統一過950年。咁即係話,無論你中意由夏后帝啟開始計、由成湯開始計、由周召共和開始計、由秦始皇開始計,定係由…
  • 【口罩知識】99% PFE 就等同 N95 口罩? by Tango Chan
    PFE(Particle Filtration Efficiency)則是顆粒過濾效率,以 3M 為例,他們會利用 0.1 μm 的微粒及 28 lpm 流速來測試外科手術口罩的過濾性能。而普遍來說,這項測試容許使用 0.1 – 5.0 μ…
  • 【引爆中國】(一):中國只係統一過81年? by 薰華
    「支爆」呢個term,筆者都聽咗好幾年,然而每次話支爆,結果都好似不了了之咁,直至今年武漢肺炎大爆發,有朋友就開始盤點下現時中共所面對嘅所有問題,發現係歷朝歷代滅亡前夕嘅事件嘅大集合。既然係咁,筆者亦都想講下到底歷代嘅統一同分裂,背後究竟係…
  • 【引爆中國】(三):統一之後…… by 薰華
    今日唔係想講秦漢之際喺中原發生嘅事,而係睇下喺我哋呢頭,嶺南一帶發生嘅事。…
歡迎讚好我們的facebook page,免費資訊源源送上。

文章資訊

ID: 167884
Date: 2017-08-31 19:41:43
Generated at: 2020-02-24 15:39:13
Permalink: https://www.vjmedia.com.hk/articles/2017/08/31/167884/反對派已經完全喪失帶領社會討論議題的能力