【認真答】不中出如何令同居女友懷孕?

 

 

睇到呢啲POST,再碌下COMMENT,雖然網友們都發揮創意極盡挖苦之能事,但就算撇除「搵隔離屋幫你中出」、「帽事嘅」、「讓老夫出手」呢啲選項之外,都其實真係有可能嘅。

 

咁循例講下咩係中出/內射先啦。

如果前面唔加性別和/或邊個窿,會預設理解為男女陰道性交。

而性交抽插到男性性高潮,射精時陰莖仍然留喺陰道,咁就係中出/內射。

 

好喇,技術上就係咁。咁唔喺入面射,會唔會懷孕?

 

首先男人性興奮勃起之後,陰莖流出的前列腺液,其實入面係會有少量精子,呢個少量已經有好低嘅機率令女性懷孕。所以未射精就懷孕,都係有機會,低都係有機會,記住懷孕只需要一粒精同一粒卵結合,唔係要五億精。

然後就係射嗰陣先拔出來。我一直都好佩服日本AV 男優,可以咁professional,可以控制得咁好,真係拔出來就射,鏡頭睇落又唔似剪接左中間喺度自己「劣」嗰幾秒/十幾秒/幾分鐘(歐美AV 就經常會咁….)。點解講到咁露骨,我只係想講,你同女友抽插得咁興奮,如果你同女友感情咁熾熱,去到呢啲位都仲控制得咁自如,真係好厲害,遲一兩秒拔出你把誓約王者之劍,佢入面都滿左。睇AV 唔好當性教育呀師兄,呢種所謂「外射」嘅方法,只係戲劇效果,無避孕效果。

 

打左五百字,但其實未到戲玉,因為上面嗰兩樣其實好多人都知。

 

比較少人講嘅係以下呢樣,能夠一日射兩砲嘅壯男要留意了。

假設有個壯男,上面嗰兩樣都做齊左,我亦當佢好professional 控制得好好,無射到半滴喺女友入面。

個畫面大家都想像度,女方一身/面係,去搵紙巾抹,個男嘅,可能攤左喺度,入左聖人MODE,然後佢哋可能飲下紅酒食兩支煙,睇陣電視關心下房外嘅世界發生左咩,過多陣開部Switch 捉左幾隻天迴龍。

再然後,壯男覺得自己回氣了,「BB 我地不如?」

嗯~阿邊個邊個「到了最危險的時候」。

阿猛男之前佢射左一砲,而家勃起流出來嘅,已經唔係咁清嘅前列腺液,而真係濃稠嘅精液,係頭先射完仲殘留喺管道入面嘅精液。

九個月後,叫聲爸爸啦,就係呢啲。

 

最後必須要講,好多男士好負責任,肯全程戴套,但必須留意,射完之後王者之劍會慢慢變番小蟲蟲,喺陰莖軟曬之前,應該按著安全套底端然後拔出離開女友陰道,好多時意外懷孕,就係進入聖人模式仲唔拔出,陰莖軟曬,走曬位,精液漏到周圍係,同埋拔出嘅過程無按著,又漏到周圍係,漏埋入去,嗯,叫聲爸爸啦。

 

作者:白木乩

白木乩
聽聞係總編分身,專用來出D 與總編身份不符既膠文

閱讀後覺得好,請多多讚好及分享~:)

其他熱門文章

  • 點先可以令男人唔好偷食? by 木頭
    衰啲咁講,你地由細到大所有來自電影、劇集、小說入面果種忠貞好男人,好似耶穌、真神同觀音一樣——係,冇人可以證明佢地唔存在,但同時亦都冇人可以大大聲聲話佢地親眼見過。就算你有姊妹同你講佢見過,甚至親身擁有過,都只不過係源於佢地唔了解佢地身邊嘅…
  • 【遊戲新聞】最強多人喪屍遊戲 《Left 4 Dead 2》相隔十年推出最後大改版 by 五木
    經典遊戲《Left 4 Dead 2》推出超過十年,話佢係最強多人喪屍遊戲應該都無乜異議(雖然我覺得一代正啲) […]…
  • 傳訊息=互FLIRT?你點睇? by 毋乜贊
    我地就唔好局限喺性別上,社會有同性戀有異性戀,我就一概講sd短訊俾非戀人(講緊係一個駁一個嘅短訊)。耐唔耐約下食飯,傾下心事,八下邊個同邊個係咪有路/分左手,我搵朋友嘅原因都離唔開lee幾個原因,一句起兩句止,而行街睇戲食飯等,我都可以一個…
  • 做求職者都唔一定要卑弓屈膝嘅 by 小盛女
    「我哋而家都見緊好多candidate,所以有個基本要求,就係你2日內要send個email比我哋,講下你可以為公司貢獻啲咩,有咩可以impressed到我哋,有咩優點同工作經驗,說服我哋點解要揀你,咁我哋先會再考慮叫唔叫你second i…
  • 評論人高調收禮物拆禮物,有無職業道德問題? by 論政西人
    你看看?當時評節目主持,都可以這樣子高調收禮物,收完禮物之後就在節目的面書說自己收過什麼禮物,日日收月餅,收到手軟,還有禮貌地說多謝。不知道,若將來這些品牌,這些機構發生什麼事,晴朗主持,又會不會可以持平評論呢?…
  • 我幾點收工關你叉事咩! by 小盛女
    「你呢排係咪好得閒?我見你成日都好早收工,琴日六點幾已經唔見你。」人事部Macy說。「我放六點,六點半我先走㗎喎,而且準時收工都正常啫。」我說。「無,想睇下你係咪好得閒咋嘛,以前你成日都好夜收。」Macy說。…
歡迎讚好我們的facebook page,免費資訊源源送上。

文章資訊

ID: 167965
Date: 2017-09-02 16:58:38
Generated at: 2020-09-28 17:56:39
Permalink: https://www.vjmedia.com.hk/articles/2017/09/02/167965/【認真答】不中出如何令同居女友懷孕?